അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.വീട്ടിലുള്ള ചേരുവകൾ വെച്ച് രുചികരമായ ഒരു കേക്ക് തയ്യാറാക്കിയാലോ? വളരെ എളുപ്പത്തിൽ രുചികരമായി തയ്യാറാക്കാവുന്ന ടി കേക്ക് റെസിപ്പി നോക്കാം.
ആവശ്യമായ ചേരുവകൾ
- ഗോതമ്പുപൊടി -അരക്കപ്പ്
- കോൺഫ്ലോർ -രണ്ട് ടേബിൾ സ്പൂൺ
- പാൽപ്പൊടി -ഒരു ടേബിൾ സ്പൂൺ
- മുട്ട -2
- പഞ്ചസാര -ഒരു കപ്പ്
- വാനില എസ്സെൻസ്
- ഓയിൽ -രണ്ടു ടേബിൾ സ്പൂൺ
- ടൂട്ടി ഫ്രൂട്ടി
തയ്യാറാക്കുന്ന വിധം
ആദ്യം ഗോതമ്പുപൊടിയും കോൺഫ്ലോറും പാൽപ്പൊടിയുംഒരുമിച്ച് മിക്സ് ചെയ്ത അരിച്ചെടുത്ത് മാറ്റിവയ്ക്കാം. മുട്ടയുടെ വെള്ളയും മഞ്ഞയും വെവ്വേറെ ആക്കുക. വെള്ളയിലേക്ക് പഞ്ചസാര ചേർത്തു കൊടുത്ത് നന്നായി ബീറ്റ് ചെയ്ത് പതപ്പിച്ച് എടുക്കുക. മഞ്ഞയിലേക്ക് വാനില എസൻസ് മിക്സ് ചെയ്ത് കൊടുക്കുക. ശേഷം പൊടി അല്പം ചേർത്തു മിക്സ് ചെയ്ത് എടുക്കാം. ഇനി വെള്ളയിലേക്ക് പൊടി അൽപ്പാൽപ്പമായി ചേർത്ത് മിക്സ് ചെയ്യാം. എല്ലാം മിക്സ് ചെയ്തു കഴിഞ്ഞാൽ മഞ്ഞ മിക്സ് ചെയ്തു വച്ചിരിക്കുന്നതും ഇതും ഒന്നാക്കാം. ശേഷം ഓയിൽ ചേർത്ത് മിക്സ് ചെയ്യാം. ഇനി ടൂട്ടി ഫ്രൂട്ടി കുറച്ചു പൊടിയിട്ട് മിക്സ് ചെയ്ത ശേഷം ഇതിലേക്ക് ഇട്ട് ടെസ്റ്റിംഗ് യോജിപ്പിക്കുക. ഇനി കേക്കിന്നിലേക്ക് ബാറ്റർ ഒഴിച്ചു കൊടുത്ത് നന്നായിട്ട് ടാപ്പ് ചെയ്ത് ബേക്ക് ചെയ്ത് എടുക്കാം.
