അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.കേരള സ്കൂൾ കായികമേള അത്ലറ്റിക് വിഭാഗത്തിൽ മലപ്പുറത്തിന്റെ കുതിപ്പ് തുടരുന്നു. മലപ്പുറത്തിന്റെ പോയിൻ്റ് 150 കടന്നു. പാലക്കാടാണ് രണ്ടാമത്. നിരവധി റെക്കോർഡുകളും അത്ലറ്റിക് മത്സരത്തിന്റെ നാലാം ദിനമായ ഇന്ന് പിറന്നു. അത്ലറ്റിക് മത്സരങ്ങളുടെ നാലാം ദിനം ട്രാക്ക് ഉണർന്നത് ജൂനിയർ വിഭാഗം 1500 മീറ്ററിൽ പാലക്കാടിന്റെ ഇരട്ട സ്വർണത്തോടെ. ആൺകുട്ടികളുടെ വിഭാഗത്തിൽ അമൃത് എമ്മും പെൺകുട്ടികളുടെ വിഭാഗത്തിൽ നിവേദ്യയും സ്വർണം നേടി. സ്വർണ്ണ നേട്ടത്തോടെ മേളയിൽ ഹാട്രിക് സ്വർണം എന്ന നേട്ടവും അമൃത് സ്വന്തമാക്കി. 400, 800, 1500 മീറ്ററുകളിലാണ് അമൃത് സ്വർണം നേടിയത്. 1500 മീറ്റർ സീനിയർ ബോയ്സിൽ സ്വർണവും വെള്ളിയും നേടി മലപ്പുറം പിന്നാലെ കരുത്തറിയിച്ചു.
