അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.പവിത്രം എന്ന ഒറ്റ സിനിമ മതിയാവും വിന്ദുജ മേനോൻ എന്ന നടിയുടെ മുഖം മനസ്സിൽ വരാൻ. അധികം ചിത്രങ്ങളിലൊന്നും അഭിനയിച്ചിട്ടില്ലെങ്കിലും മലയാളി മറക്കാത്ത നടിയാണ് നടി വിന്ദുജ മേനോൻ എന്ന് തന്നെ പറയാം. പവിത്രത്തിലെ മീനാക്ഷി എന്ന കഥാപാത്രം മലയാളികളുടെ മനസ്സിൽ വിങ്ങലായി ഇന്നും നിലനിൽക്കുന്നുണ്ട്. പവിത്രം എന്ന ചിത്രത്തിൽ മോഹൻലാൽ അവതരിപ്പിച്ച ചേട്ടച്ചനും ചേട്ടച്ചന്റെ സ്വന്തം മീനാക്ഷിയും അത്രയേറെ ജനപ്രീതി നേടിയ കഥാപാത്രങ്ങളാണ്. എന്നാല്‍ പവിത്രം ഇറങ്ങിയപ്പോള്‍ മറ്റു പുതുമുഖ നായികമാര്‍ക്കു ലഭിക്കുന്നതു പോലൊരു അംഗീകാരമല്ല തനിക്ക് കിട്ടിയതെന്ന് വിന്ദുജ പറയുന്നു.
മൂന്നു ദശാബ്ദക്കാലത്തോളം പ്രേക്ഷകരുടെ സ്‌നേഹവാത്സല്യങ്ങളും ബഹുമാനവും നേടിത്തന്ന കഥാപാത്രമാണു പവിത്രത്തിലെ മീനാക്ഷി. സിനിമ ഇറങ്ങിയപ്പോള്‍ മറ്റു പുതുമുഖ നായികമാര്‍ക്കു ലഭിക്കുന്നതു പോലൊരു അംഗീകാരമല്ല കിട്ടിയത്. മറിച്ച് എല്ലാവരും കുത്തുവാക്കുകളും ശാപവാക്കുകളും പറഞ്ഞു കുറ്റപ്പെടുത്തി. അത്രമേല്‍ ആളുകളുടെ മനസ്സിനെ മുറിപ്പെടുത്തിയതു കൊണ്ടാകാം ആ കഥാപാത്രത്തെ ഇന്നും മറക്കാതെ ആളുകള്‍ ഓര്‍മയില്‍ സൂക്ഷിക്കുന്നത്- വിന്ദുജ പറഞ്ഞു. കത്തുകളിലൂടെയായിരുന്നു കുറ്റപ്പെടുത്തല്‍. ഇത്രയും നല്ല ചേട്ടച്ഛനോടു കുഞ്ഞുപെങ്ങള്‍ ഇങ്ങനെ ചെയ്യാമോ എന്നൊക്കെ… ‘എന്നാലും രാജീവേട്ടാ ഈ ചതിയെന്നോട് വേണമായിരുന്നോ എന്നു ഞാന്‍ പരാതി പറഞ്ഞു. അതു നിന്റെ കഴിവായി മനസ്സിലാക്കൂ..’ എന്ന് അദ്ദേഹം മറുപടി തന്നു. വനിതയ്ക്ക് നല്‍കിയ അഭിമുഖത്തിലാണ് വിന്ദുജ ഇക്കാര്യം പറഞ്ഞത്.
