രക്തത്തില്‍ പഞ്ചസാരയുടെ അളവിൽ ഉണ്ടാകുന്ന ഉയർച്ചയാണ് പ്രമേഹം. ഇന്ന് നൂറ് ദശലക്ഷത്തിലധികം ഇന്ത്യക്കാരെ ബാധിക്കുന്ന രോഗാവസ്ഥയാണ് ഇത്. പ്രമേഹമുള്ളവര്‍ ചില ഭക്ഷണങ്ങളും പാനീയങ്ങളും കുറയ്ക്കുകയോ പൂർണ്ണമായും ഉപേക്ഷിക്കുകയോ ചെയ്യണമെന്ന് നിർദ്ദേശിക്കുന്നു. അതിലൊന്നാണ് ചായ. എന്നാൽ ഇനി മുതൽ നിങ്ങളുടെ പ്രിയപ്പെട്ട ചായ ഒഴിവാക്കേണ്ട. പ്രമേഹരോഗികൾക്ക് കുടിക്കാവുന്ന ഏറ്റവും പ്രധാനപ്പെട്ട നാല് ചായകളെ കുറിച്ചാണ് ഇനി പറയുന്നത്…
‘ഗ്രീൻ ടീ…’
ഗ്രീൻ ടീ ഉപഭോഗം ഫാസ്റ്റിംഗ് ഗ്ലൂക്കോസിന്റെ അളവും A1C ലെവലും കുറയുന്നതുമായി ബന്ധപ്പെട്ടിരിക്കുന്നു. മയോ ക്ലിനിക്ക് പറയുന്നതനുസരിച്ച്, 28 മില്ലിഗ്രാം (mg) കഫീൻ അടങ്ങിയ ഒരു കപ്പ് ഗ്രീൻ ടീ കുടിക്കുന്നത് പ്രമേഹത്തെ നിയന്ത്രിക്കാൻ സഹായിക്കും. ഗ്രീൻ ടീയും രക്തത്തിലെ ഗ്ലൂക്കോസിന്റെ അളവ് കുറയ്ക്കാൻ സഹായിക്കുമെന്നും ടൈപ്പ് 2 പ്രമേഹവും അമിതവണ്ണവും തടയാൻ സഹായിക്കുന്നതിൽ പങ്കുവഹിക്കുമെന്നും പഠനങ്ങൾ പറയുന്നു.
‘കട്ടൻ ചായ…’
രക്തത്തിലെ പഞ്ചസാരയുടെ അളവ് നിയന്ത്രിക്കാൻ വളരെ ഫലപ്രദമായ മറ്റൊരു ചായയാണിത്. ഗ്രീൻ ടീ പോലെ ഇൻസുലിൻ പ്രതിരോധം മെച്ചപ്പെടുത്താനും ശരീരത്തിലെ കോശജ്വലന പ്രതികരണങ്ങൾ കുറയ്ക്കാനും ബ്ലാക്ക് ടീയ്ക്ക് കഴിയും. കട്ടൻ ചായയ്ക്ക് കാർബോഹൈഡ്രേറ്റ് ആഗിരണം കുറയ്ക്കാൻ കഴിയുമെന്നും അതിനാൽ രക്തത്തിലെ ഗ്ലൂക്കോസ് നിയന്ത്രണം മെച്ചപ്പെടുത്തുമെന്നും ചില പഠനങ്ങൾ പറയുന്നു.
‘ചെമ്പരത്തി ചായ…’
ഉയർന്ന പോളിഫെനോൾ ആന്റിഓക്‌സിഡന്റ് ഉള്ളടക്കവും ഓർഗാനിക് ആസിഡുകളും ആന്തോസയാനിനുകളും അടങ്ങിയ ചെമ്പരത്തി ചായ പ്രമേഹരോഗികൾക്ക് നല്ലൊരു പാനീയമാണ്. ശരീരത്തിലെ ഇൻസുലിൻ പ്രതിരോധം കുറയ്ക്കാനും ഇത് സഹായിക്കും. പ്രമേഹം കൂടാതെ, ഹൈബിസ്കസ് ചായ കുടിക്കുന്നത് രക്തസമ്മർദ്ദവും കൊളസ്ട്രോളിന്റെ അളവും നിയന്ത്രിക്കുന്നതിന് സഹായകരമാകുമെന്ന് പഠനങ്ങൾ തെളിയിച്ചിട്ടുണ്ട്. ഇത് ശരീരഭാരം കുറയ്ക്കാനും സഹായിക്കുന്നു.
‘മഞ്ഞൾ ചായ…’
ഉയർന്ന രക്തത്തിലെ പഞ്ചസാരയുള്ള ആളുകൾക്ക് മഞ്ഞൾ ചായ വളരെ നല്ലതാണ്. ആൻറി ഓക്‌സിഡന്റും ആൻറി-ഇൻഫ്ലമേറ്ററി ഗുണങ്ങളും അടങ്ങിയ മഞ്ഞളിൽ കുർക്കുമിൻ അടങ്ങിയിട്ടുണ്ട്. ഇത് മഞ്ഞ നിറം നൽകുകയും ഉയർന്ന രക്തത്തിലെ പഞ്ചസാരയുടെ അളവ് നിയന്ത്രിക്കുകയും ചെയ്യുന്നു.
content highlight: diabetes-can-drink-tea