പപ്പട ചമ്മന്തി കഴിച്ചിട്ടുണ്ടോ? ചോറുണ്ണാൻ ഇത് മാത്രം മതി

മലയാളികൾക്ക് ചമ്മന്തി ഏറെ ഇഷ്ട്ടമാണ്. ഒരുപാട് തരം ചമ്മന്തികൾ നമ്മുക്കുണ്ട്. ഒരു വെറൈറ്റിക്ക് പപ്പട ചമ്മന്തി ആയാലോ? പപ്പട ചമ്മന്തി എങ്ങനെ ഉണ്ടാക്കാമെന്ന് നോക്കാം…

ചേരുവകൾ:

പപ്പടം
വറ്റൽമുളക് – 3 എണ്ണം
ചുവന്നുള്ളി – 5 എണ്ണം
വാളംപുളി – ആവശ്യത്തിന്
കറിവേപ്പില – ഒരു തണ്ട്
തേങ്ങ ചിരകിയത് – ഒരു കപ്പ്
മുളകുപൊടി – ആവശ്യത്തിന്
ഉപ്പ് – ആവശ്യത്തിന്
വെളിച്ചെണ്ണ – ആവശ്യത്തിന്

തയ്യാറാക്കുന്ന വിധം:

അടി കട്ടിയുള്ള ഒരു പാത്രം അടുപ്പിൽ വെച്ച് അൽപ്പം എണ്ണയൊഴിച്ചു ചൂടാക്കി പപ്പടം വറുത്തെടുക്കുക. വറുത്തെടുത്ത പപ്പടവും, എരിവിനനുസരിച്ച് വറ്റൽമുളകും,നാലോ അഞ്ചോ ചുവന്നുള്ളിയും, വാളംപുളിയും, കറിവേപ്പിലയും അരയ്ക്കുക. ഇതിലേയ്ക്ക് അൽപ്പം തേങ്ങ ചിരകിയതും, മുളകുപൊടിയും, ആവശ്യത്തിന് ഉപ്പും, കുറച്ചു വെളിച്ചെണ്ണയും ചേർത്ത് ഒരിക്കൽ കൂടി അരച്ചെടുക്കുക. പപ്പട ചമ്മന്തി റെഡി.