അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.രാജ്യമൊട്ടാകെ ആകാംക്ഷയോടെ കാത്തിരിക്കുന്ന സൂര്യയുടെ ബ്രഹ്മാണ്ഡ ചിത്രമാണ് കങ്കുവ. സൂര്യ – സിരുത്തൈ ശിവ കൂട്ടുകെട്ടിലാണ് ചിത്രം ഒരുങ്ങുന്നത്. ഒരോ അപ്ഡേറ്റുകൾക്കും വലിയ സ്വീകാര്യത ലഭിച്ചിരുന്ന ചിത്രം തിയേറ്ററിൽ കാണാനുള്ള ആവേശത്തിലാണ് പ്രേക്ഷകർ. നവംബർ 14 നാണ് ലോകമെമ്പാടുമുള്ള 10,000 സ്ക്രീനുകളിലേക്ക് കങ്കുവ എത്തുന്നത്. ഇപ്പോൾ ചിത്രത്തിന്റെ കേരളാ അഡ്വാൻസ് ബുക്കിംഗ് ആരംഭിച്ചിരിക്കുകയാണ്. ചിത്രം കേരളത്തിൽ വിതരണം ചെയ്യുന്നത് ഗോകുലം മൂവീസാണ്. ആദ്യ ദിവസം തന്നെ ഇന്ത്യയിൽ മാത്രം 2.26 കോടിയാണ് ബുക്കിംഗ് നടന്നിരിക്കുന്നത്. നവംബർ 14 ന് പുലർച്ചെ നാല്മണിക്കുള്ള ഫാൻസ് ഷോയിലൂടെയാണ് ചിത്രത്തിന്റെ പ്രദർശനം ആരംഭിക്കുന്നത്. ആന്ധ്രാപ്രദേശ്, തെലുങ്കാന, കർണാടക എന്നിവടങ്ങളിലും പുലർച്ചെ ഷോ ഉണ്ടാകും. തമിഴ്‌നാട്ടിൽ മാത്രം 700 ഓളം സ്‌ക്രീനുകളിൽ ചിത്രമെത്തും. ചിത്രം 3D യിലും പുറത്തിറങ്ങും. സ്റ്റുഡിയോ ഗ്രീനിൻറെ ബാനറിൽ കെ ഇ ജ്ഞാനവേൽ രാജ, ജി ധനഞ്ജയൻ , യു വി ക്രിയേഷൻസിന്റെ ബാനറിൽ വംശി പ്രമോദ് എന്നിവർ ചേർന്നാണ് ചിത്രം നിർമിച്ചിരിക്കുന്നത്.
