അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.സൗന്ദര്യ സംരക്ഷണത്തിലെ പ്രധാനപ്പെട്ട ഒരു പാർട്ടാണ് ചുണ്ടുകൾ. എന്നാൽ തുടർച്ചയായ ലിപ്സ്റ്റിക് ഉപയോഗം മൂലവും സൂര്യപ്രകാശം ഏറ്റും ഇവ കറുത്ത് പോകുന്നത് സാധാരണമാണ്. ഹൈപ്പർ പിഗ്മെന്റഷൻ കാരണമാണ് പലപ്പോഴും ചുണ്ടിന് കറുത്ത നിറം ഉണ്ടാകാറുള്ളത്. കൃത്യമായ സംരക്ഷണം നൽകിയാൽ ചുണ്ടുകൾക്ക് നല്ല ചുവപ്പ് നിറം വീണ്ടെടുക്കാൻ കഴിയും. തേൻ, തക്കാളി നീര്, ബീറ്റ്റൂട്ട് നീര്, കറ്റാർവാഴ ജെൽ, നെയ്യ് എന്നിവയെല്ലാം ചുണ്ടുകളുടെ സംരക്ഷണത്തിന് വളരെ നല്ലതാണ്. ബീറ്റ്റൂട്ട് വരണ്ടതും വിണ്ടുകീറിയതുമായ ചുണ്ടുകളെ പരിപാലിക്കും. ബീറ്റ്റൂട്ടിൽ അടങ്ങിയിരിക്കുന്ന ജലാംശം ചുണ്ടുകളെ മൃദുലമാക്കാൻ സഹായിക്കും. കൂടാതെ, ബീറ്റ്റൂട്ടിന്റെ ചുവപ്പ് നിറം ചുണ്ടുകൾക്കും പകർന്നു നൽകും. രാത്രി ഉറങ്ങുന്നതിന് മുമ്പ് അൽപം തേൻ ചുണ്ടിൽ പുരട്ടിയാൽ വിണ്ടുകീറിയ ചുണ്ടുകളെ വിള്ളലിൽ നിന്നും അണുബാധയിൽ നിന്നും സംരക്ഷിക്കും. അതുപോലെ തന്നെ വളരെ നല്ലതാണ് തക്കാളി നീര്. തക്കാളിയിൽ സെലിനിയം പോഷകങ്ങൾ ധാരാളം അടങ്ങിയിട്ടുണ്ട്, ഇത് ചുണ്ടുകളുടെ ചർമ്മത്തെ സൂര്യാഘാതത്തിൽ നിന്ന് സംരക്ഷിച്ച് നിർത്തും. അലോസിൻ എന്ന ഫ്ലേവനോയ്ഡ് ധാരാളമായി അടങ്ങിയിരിക്കുന്നതിനാൽ കറ്റാർവാഴയും ചുണ്ടുകളുടെ ഇരുണ്ട നിറം മാറ്റാൻ സഹായിക്കും. രാത്രി കിടക്കുന്നതിന് മുമ്പ് നെയ്യോ വെണ്ണയോ ചുണ്ടിൽ പുരട്ടുന്നതും ചുണ്ടുകൾക്ക് നിറം വയ്ക്കാൻ സഹായിക്കും.
