നല്ല എരിവുള്ള നാടന്‍ താറാവ് കറിയുടെ റെസിപ്പി നോക്കിയാലോ? നല്ല എരിവുള്ള സ്വാദിഷ്ടമായ കുട്ടനാടന്‍ സ്റ്റൈല്‍ താറാവ് കറി. തയ്യാറാക്കുന്നത് എങ്ങനെയെന്ന് നോക്കാം.
ആവശ്യമായ ചേരുവകൾ
തേങ്ങാപാല്‍ ഒരു തേങ്ങയുടെ ഒന്നാം പാലും രണ്ടാം പാലും വേറെ വേറെ എടുക്കുക
തയ്യാറാക്കുന്ന വിധം
താറാവ് കഷണങ്ങള്‍ ആകി എടുക്കണം, അതിലേക്ക് അല്പം കുരുമുളക്, മഞ്ഞള്‍പ്പൊടി, മുളക് പൊടി, ഉപ്പു ഇവ ചേര്‍ത്ത് നന്നായി തിരുമ്മി വെയ്ക്കുക. ഒരു വലിയ പാനില്‍ വെളിച്ചെണ്ണ ഒഴിച്ച് ചൂടാകുമ്പോള്‍ മൂന്നു വറ്റല്‍ മുളക് നുറുക്കി ഇടുക. പിന്നീട് കടുക് പൊട്ടിക്കുക. അതിലേക്ക് ചെറിയ ഉള്ളി വട്ടത്തില്‍ അരിഞ്ഞു ചേര്‍ത്തു ഒന്ന് മൂക്കുന്നത് വരെ വഴറ്റുക. കറിവേപ്പിലയും ചേര്‍ക്കുക. ശേഷം ചതച്ച വെളുത്തുള്ളി, ഇഞ്ചി പച്ചമുളക് ഇവ ഇട്ടു നന്നായി വഴറ്റുക.
ഇതിലേക്ക് സവാള ചേർത്ത് നന്നായി വഴറ്റുക. ശേഷം മിക്സ്‌ ചെയ്ത താറാവ് ചേർത്ത് നന്നായി വഴറ്റി മൂടി വെച്ചു വേവിക്കുക, പകുതി വേവാകുമ്പോള്‍ രണ്ടാം പാലില്‍ അല്പം മുളകു പൊടി, മല്ലിപൊടി കുരുമുളകു പൊടി, ഗരം മസാല എല്ലാം കലക്കി താറാവിലേക്ക് ചേര്‍ക്കുക. അല്പം ഉപ്പും ചേര്‍ത്ത് വീണ്ടും മൂടി വെച്ച് നന്നായി വേവിക്കുക. വെന്തു കഴിഞ്ഞാല്‍ ഒന്നാം പാല്‍ ചേര്‍ത്ത് ഇറക്കാം.