അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.മോസ്കോ: പ്രസിഡന്റ് വ്ലാഡിമിർ പുട്ടിനെതിരെ വധഭീഷണി മുഴക്കിയതിനും റഷ്യ– യുക്രെയ്ൻ യുദ്ധത്തിനെതിരെ സമൂഹമാധ്യമത്തിലൂടെ പ്രതിഷേധിച്ചതിനും യുവതി അറസ്റ്റിൽ. അനസ്റ്റസിയ ബേറെഴിൻസ്കയ എന്ന റഷ്യൻ നാടക സംവിധായികയാണ് അറസ്റ്റിലായത്. 8 വർഷം തടവുശിക്ഷ അനുഭവിക്കണം.
ഇതിനിടെ, റഷ്യൻ സൈനികരെ അപമാനിച്ചതിന് 68 വയസ്സുകാരിയായ ശിശുരോഗ വിദഗ്ധയെ അഞ്ചര വർഷത്തേക്കു തടവിലാക്കാൻ മോസ്കോ കോടതി ഉത്തരവിട്ടു. യുദ്ധത്തിനെതിരെ പ്രതികരിച്ചതിന് ആയിരത്തിൽ പരം ആളുകൾ റഷ്യയിൽ ക്രിമിനൽ കുറ്റവിചാരണ നേരിടുന്നുണ്ട്. 20,000 ൽ ഏറെ പേരെ കസ്റ്റഡിയിൽ എടുത്തിട്ടുമുണ്ട്.
