പത്തനംതിട്ട: മണ്ഡല മകരവിളക്ക് തീർത്ഥാടനത്തിനായി ശബരിമല ക്ഷേത്ര നട ഇന്ന് വൈകിട്ട് നാലിന് തുറക്കും. തിരക്ക് പരിഗണിച്ചാണ് നട ഒരു മണിക്കൂർ നേരത്തേ തുറക്കുന്നത്. വൈകിട്ട് നാലു മണിക്കാകും നട തുറക്കുക. സാധാരണ 5 മണിക്കാണ് നട തുറക്കുന്നത്. മുപ്പതിനായരം പേരാണ് ഇന്നു വെർച്വൽ ക്യൂ വഴി ദർശനം ബുക്ക് ചെയ്തിരിക്കുന്നത്. ഉച്ചയ്ക്ക് ഒരു മണിയോടെ പമ്പയിൽനിന്നു സന്നിധാനത്തേക്ക് ഭക്തരെ കയറ്റിവിട്ട് തുടങ്ങും. പുതിയ മേൽശാന്തിമാർ ഇന്നു ചുമതലയേൽക്കും. തന്ത്രിമാരായ കണ്ഠര് രാജീവര്, കണ്ഠര് ബ്രഹ്മദത്തൻ എന്നിവരുടെ സാന്നിധ്യത്തിൽ മേൽശാന്തി പി.എൻ.മഹേഷാണു നട തുറക്കുക.