അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.തെന്നിന്ത്യൻ പ്രേക്ഷകരുടെ ഇഷ്ട ജോഡിയാണ്‌ വിഘ്നേശ് ശിവനും നയൻതാരയും. ആരാധകർ ഏറെ ആകാംഷയോടെ കാത്തിരുന്ന വിവാഹം വലിയ ആഘോഷങ്ങളോടെയാണ് നടത്തിയത്. മഹാബലിപുരത്തെ ആഡംബര ഹോട്ടല്‍ ആയ ഷെറാട്ടണ്‍ ഗ്രാന്‍ഡില്‍ വച്ച് ജൂണ്‍ ഒന്‍പതാം തീയതിയായിരുന്നു ഇരുവരുടെയും വിവാഹം. ആഡംബര റിസോർട്ട് പൂർണമായും ഒരാഴ്‍ച മുമ്പുതന്നെ വിവാഹത്തിനായി ബുക്ക് ചെയ്‍തിരുന്നു. തെക്കേയിന്ത്യൻ സിനിമയിലെ ഏറ്റവും താരമൂല്യമുള്ള താരത്തിന്‍റെ വിവാഹം അതിന്‍റെ എല്ലാ പ്രൗഢിയിലും ബ്രാൻഡ് ചെയ്യപ്പെട്ടു. കുടിവെള്ളക്കുപ്പിയിൽ മുതൽ അതിഥികളുടെ ഡ്രസ് കോഡിലും വിവാഹവേദിയിലെ അലങ്കാരങ്ങളിലും വരെ അത് പ്രതിഫലിച്ചു. ഡിജിറ്റൽ ക്ഷണക്കത്തിനൊപ്പമുള്ള ക്യു ആർ കോഡ് സ്‍കാൻ ചെയ്‍ത് വിവാഹവേദിയിലേക്ക് പ്രവേശനം. സുരക്ഷാ ഉദ്യോഗസ്ഥരുടേയും ഇവന്‍റ് മാനേജ്മെന്‍റ് ടീമിന്‍റേയുമടക്കം ഫോണുകളുടെ ക്യാമറ സ്റ്റിക്കർ ഉപയോഗിച്ച് മറച്ചു. വിവാഹചിത്രങ്ങൾ പുറത്തുപോകാതിരിക്കാനുള്ള മുൻകരുതൽ.
രജനീകാന്തും ഷാരൂഖ് ഖാനും അജിത്ത് കുമാറും വിജയ്‍യും സൂര്യയുമടക്കം പ്രമുഖ താരങ്ങളുടെ വലിയ നിര വിവാഹത്തിനും പിന്നീട് നടന്ന വിരുന്നിനും എത്തിയിരുന്നു. ആ താരനിര പോലെ പകിട്ടേറിയതായിരുന്നു വിരുന്നുമേശയും. കേരള, തമിഴ് വിഭവങ്ങളുടെ വ്യത്യസ്തമായ രുചിക്കൂട്ട് അതിഥികള്‍ക്ക് നവ്യാനുഭവമായി. വിഘ്നേശിന് വിവാഹ സമ്മാനമായി 20 കോടിയുടെ ബംഗ്ലാവാണ് നയന്‍താര നല്‍കിയതെന്ന് റിപ്പോര്‍ട്ടുകള്‍ ഉണ്ടായിരുന്നു. വിവാഹപ്പിറ്റേന്ന് ഇരുവരും തിരുപ്പതി ക്ഷേത്രത്തില്‍ ദര്‍ശനത്തിന് എത്തിയിരുന്നു. ഏഴ് വര്‍ഷത്തെ പ്രണയത്തിന് തുടര്‍ച്ചയാണ് നയന്‍താരയുടെയും വിഘ്നേശ് ശിവന്റെയും വിവാഹം. വിവാഹിതരായി പിന്നാലെ തന്നെ താരങ്ങൾ സറോഗസിയിലൂടെ രണ്ട് ആൺകുഞ്ഞുങ്ങൾക്കും ജന്മം നൽകി.
നയൻതാരയും വിഘ്നേഷും ചടങ്ങിൽ നിന്നുള്ള കുറച്ച് ഫോട്ടോകൾ മാത്രമാണ് ഇതുവരെയും പുറത്ത് വിട്ടിട്ടുള്ളത്. അതിന് കാരണം ഇരുവരുടെയും വിവാഹം ഡോക്യുമെന്ററിയായി പുറത്തിറക്കാൻ നെറ്റ്ഫ്ലിക്സിന് അനുമതി നൽകിയിരുന്നുവെന്നതുകൊണ്ടാണ്.
പക്ഷെ വിവാഹം കഴിഞ്ഞ് രണ്ട് വർഷം പിന്നിട്ടിട്ടും ഡോക്യുമെന്ററി റിലീസ് ചെയ്തില്ല. അടുത്തിടെയാണ് ട്രെയിലർ പോലും റിലീസ് ചെയ്തത്. ഈ വരുന്ന പതിനെട്ടാം തിയതി വിവാഹ വീഡിയോയുടെ സ്ട്രീമിങ് ആരംഭിക്കും. നയന്‍താര: ബിയോണ്ട് ദ് ഫെയറി ടെയ്ല്‍ എന്നാണ് ഡോക്യുമെന്ററിയുടെ പേര്. വിവാഹത്തിന്റെ സ്ട്രീമിങ് അവകാശത്തിനുവേണ്ടി 25 കോടിയാണ് പ്രതിഫലമായി നയൻതാരയ്ക്കും വിഘ്നേശിനും നെറ്റ്ഫ്ലിക്സ് നൽകിയത്.
കുഞ്ഞിനുള്ള പാൽ പിഴിഞ്ഞെടുത്ത് അയച്ച് കൊടുത്തു! സിനിമാ സെറ്റിൽ പോയാലും കുഞ്ഞിനെ മറന്നിട്ടില്ലെന്ന് നടി കാജൽ
ഗൗതം മേനോനാണ് ഡോക്യുമെന്ററി സംവിധാനം ചെയ്തിരിക്കുന്നത്. ഇപ്പോഴിതാ ഡോക്യുമെന്ററി റിലീസിന് മുന്നോടിയായി നെറ്റ്ഫ്ലിക്സ് പുറത്തിറക്കിയ ഗ്ലിമ്പ്സിൽ വിഘ്നേഷ് ശിവനുമായുള്ള പ്രണയത്തിന്റെ തുടക്കം എങ്ങനെയായിരുന്നുവെന്ന് നയൻതാര പറയുന്ന ഭാഗം വൈറലാവുകയാണ്. നാനും റൗഡി താൻ സെറ്റിൽ വെച്ച് ഒരു ദിവസം വിഘ്നേഷിനെ വ്യത്യസ്തമായി നോക്കിയെന്നും അവിടം മുതലാണ് എല്ലാത്തിന്റെയും തുടക്കമെന്നുമാണ് നയൻതാര പറഞ്ഞത്.
പോണ്ടിച്ചേരിയിലെ തെരുവുകളില്‍ ഞങ്ങള്‍ സിനിമയുടെ ചിത്രീകരണം നടത്തുകയായിരുന്നു. ഞാന്‍ എന്റെ ഷോട്ടിനായി കാത്തിരിക്കുകയായിരുന്നു. വിജയ് സേതുപതി സാറുമായി വിക്കി ഒരു രംഗം ചര്‍ച്ച ചെയ്യുന്നത് ഞാന്‍ കണ്ടു. എന്തുകൊണ്ടോ അന്ന് ഞാന്‍ അവനെ വ്യത്യസ്തമായി നോക്കി. എന്റെ മനസില്‍ ആദ്യം വന്നത്… അവന്‍ എന്ത് ക്യൂട്ടാണ് എന്ന ചിന്തയായിരുന്നു.
ഒരു സംവിധായകനെന്ന നിലയില്‍ അദ്ദേഹം പ്രവര്‍ത്തിക്കുന്ന രീതിയും കാര്യങ്ങള്‍ വിശദീകരിക്കുന്ന രീതിയും എന്റെ ശ്രദ്ധയാകര്‍ഷിച്ചു എന്നാണ് പ്രണയത്തിന്റെ തുടക്കകാലം വെളിപ്പെടുത്തി നയന്‍താര പറഞ്ഞത്. സിനിമയുടെ ചിത്രീകരണത്തിന് ശേഷം വിഘ്‌നേഷിന് ഒരു സന്ദേശം അയച്ചു. എനിക്ക് ഈ സെറ്റ് മിസ് ചെയ്യും എന്നായിരുന്നു ആ മെസേജ്. വിഘ്നേഷ് അതിന് എനിക്കും അതേ അനുഭവമായിരിക്കും മാഡം എന്നാണ് മറുപടി നൽകിയത്. വിഘ്നേഷ് ശിവനും നയൻതാരയെ കണ്ടപ്പോഴുള്ള അനുഭവം അതേ വീഡിയോയിൽ പങ്കിട്ടു.
ഏതൊരു ആണ്‍കുട്ടിയും സുന്ദരിയായ പെണ്‍കുട്ടിയെ നോക്കും… ഞാന്‍ കള്ളം പറയില്ല. എന്നാല്‍ മാഡത്തിനെ ഞാന്‍ അങ്ങനെ കണ്ടിരുന്നില്ല എന്നാണ് വിഘ്നേഷ് പറഞ്ഞത്. വീഡിയോ വൈറലായതോടെ ആരാധകരും ഡോക്യുമെന്ററി കാണാനുള്ള ത്രില്ലിലാണ്.
content highlight: vignesh-shivan open up
