കയ്പക്ക തിന്നാത്തവർക്കായി ഇതൊന്ന് പരീക്ഷിക്കൂ; കയ്പക്ക പൊരിയൽ | Bitter gourd stir fry

കയ്പ്പക്ക തിന്നാത്തവർക്കായി ഒരു കിടിലൻ റെസിപ്പി നോക്കൂ. വളരെ എളുപ്പത്തിൽ തയ്യാറാക്കാവുന്ന ഒരു കയ്പക്ക പൊരിയൽ. റെസിപ്പി നോക്കാം.

ആവശ്യമായ ചേരുവകൾ

• കയ്പക്ക – 2
• ഉപ്പ് – ആവശ്യത്തിന്
• മഞ്ഞൾ പൊടി – ഹാഫ് ടീസ്പൂൺ
• മുളക് പൊടി – 1 ടീസ്പൂൺ
• നാരങ്ങ നീര് – 1 ടേബിൾ സ്പൂൺ
• കോൺ ഫ്ലോർ – 1 ടേബിൾ സ്പൂൺ
• കബാബ് മസാല – 1 ടേബിൾ സ്പൂൺ
• എണ്ണ – ദീപ് ഫ്രൈ ചെയ്യാൻ വേണ്ടത്

തയ്യാറാക്കുന്ന വിധം

കയ്പക്ക വട്ടത്തിൽ കനം കുറച്ച് മുറിച്ച്, ഉപ്പും മഞ്ഞളും മുളകും നാരങ്ങ നീരും പുരട്ടി 15 മിനുട്ട് വെക്കുക. പിന്നീട് ഇതിലേക്ക് കോൺ ഫ്ലോറും കബാബ് മസാലയും ചേർത്ത് വെള്ളം ഒഴിക്കാതെ ഇളക്കി യോജിപ്പിക്കുക. കോൺ ഫ്ലോർ പൊടി നന്നായി പിടിക്കാൻ വേണ്ടി 10 മിനുട്ട് വച്ച് വീണ്ടും ഇളക്കുക. ശേഷം എണ്ണ നന്നായി ചൂടാക്കി കറുമുറെ പരുവത്തിൽ വറുത്തെടുക്കാം. കയ്പ് നല്ലപോലെ കുറഞ്ഞിരിക്കും. ചോറിന് കൂട്ടാനും ചായയുടെ കൂടെ ചിപ്സ് പോലെ കഴിക്കാനും പറ്റും.