ഐസ്ക്രീം ഇഷ്ടമില്ലാത്ത കുട്ടികൾ വിരളമായിരിക്കും. കടകളിൽ നിന്നു വാങ്ങിയ ഐസ്ക്രീം കൊടുക്കാതെ, വീട്ടിൽ തന്നെ ഐസ്ക്രീം ഉണ്ടാക്കി കുട്ടികൾക്കു നൽകിയാലോ? കണ്ടൻസ്ഡ് മിൽക്ക്, ഉപയോഗിക്കാതെ പകരം ഗോതമ്പ് പൊടി ഉപയോഗിച്ച് വീട്ടിൽ തന്നെ എങ്ങനെ ഐസ്ക്രീ ഉണ്ടാക്കാമെന്ന് പരിചയപ്പെടാം.
ചേരുവകള്‍
പാല്‍- ഒരു കപ്പ്
പഞ്ചസാര- മുക്കാല്‍ കപ്പ്
ഗോതമ്പ് പൊടി- 3 ടേബിള്‍സ്പൂണ്‍
ബട്ടര്‍- 2 ടേബിള്‍സ്പൂണ്‍
പഞ്ചസാര – 1 ടേബിള്‍സ്പൂണ്‍
തയ്യാറാക്കുന്ന വിധം
അടിക്കട്ടിയുള്ള ഒരു പാൻ എടുത്ത് സ്റ്റൗവിൽ ചൂടാക്കാനായി വയ്ക്കുക. പാത്രം ചൂടായി കഴിയുമ്പോൾ ഇതിലേക്ക് പാൽ ചേർക്കുക. അതിലേക്ക് മുക്കാല്‍ കപ്പ് പഞ്ചസാര ചേര്‍ത്ത് നന്നായി ഇളക്കുക. 3 ടേബിള്‍സ്പൂണ്‍ ഗോതമ്പ് പൊടിയില്‍ പാല്‍ ചേര്‍ത്ത് നന്നായി മിക്‌സ് ചെയ്യുക. ഇത് തിളക്കുന്ന പാലിലേക്ക് ചേര്‍ത്തുകൊടുക്കുക. കുറുകുന്നത് വരെ നന്നായി ഇളക്കുക. ക്രീം രൂപത്തില്‍ ആയാല്‍ തീ ഓഫ് ചെയ്ത് മിക്‌സ് ഒരു പാത്രത്തിലേക്ക് ചൂടാറാനായി മാറ്റുക. ശേഷം ഒരു ജാറില്‍ 2 ടേബിള്‍സ്പൂണ്‍ ബട്ടര്‍, 1 ടേബിള്‍സ്പൂണ്‍ പഞ്ചസാര എന്നിവ എടുക്കുക. ഇത് നന്നായി മിക്‌സിയില്‍ അടിച്ചെടുക്കുക. ഇതിലേക്ക് നേരത്തെ മാറ്റിവച്ച ഐസ്ക്രീം മിക്‌സ് കൂടി ചേര്‍ത്ത് നന്നായി അടിച്ചെടുക്കുക. ഈ മിശ്രിതം 3 മണിക്കൂറോളം ഫ്രീസറില്‍ വെക്കുക. രുചിയൂറും ഐസ്ക്രീം റെഡ്ഡി.