അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.സന്ദീപ് വാര്യരുടെ കോൺഗ്രസ്‌ പ്രവേശനത്തെ പരിഹസിച്ച് സിപിഎം സംസ്ഥാന സെക്രട്ടറി എം.വി.ഗോവിന്ദൻ. ആർ.എസ്.എസ് ബന്ധം ഉപേക്ഷിച്ചതായി സന്ദീപ് വാര്യർ ഇതുവരെ പറഞ്ഞിട്ടില്ലെന്നും തികഞ്ഞ വർഗീയ പ്രചാരവേല ആർഎസ്എസിനായി നടത്തിക്കൊണ്ടിരുന്ന ആളാണ് ഇപ്പോഴും സന്ദീപ് എന്നും എം.വി.ഗോവിന്ദൻ പരിഹസിച്ചു. അതേ സമയം സാദിഖലി തങ്ങൾക്കെതിരായ മുഖ്യമന്ത്രിയുടെ പരാമർശം പാർട്ടി നിലപാടു തന്നെയാണെന്നും പാർട്ടി സെക്രട്ടറി വ്യക്തമാക്കി. പാലക്കാട് തിരഞ്ഞെടുപ്പിൽ ഉൾപ്പടെ ജമാഅത്തൈ ഇസ്ലാമിയും എസ്.ഡി.പി.ഐയും യുഡിഎഫുമായി ചേർന്ന് ഇടതുപക്ഷ വിരുദ്ധ പ്രചാരവേല നടത്തിക്കൊണ്ടിരിക്കുന്ന ഘട്ടത്തിലാണ് സാദിഖലി തങ്ങളെ കുറിച്ച് പിണറായി വിജയൻ പരാമർശം നടത്തിയതെന്നും അദ്ദേഹം കൂട്ടിച്ചേർത്തു.
