രാസലഹരി വിൽപന നടത്തിയ ദമ്പതികൾ അറസ്റ്റിൽ. തോപ്പുംപ്പടിക്ക് സമീപം മുണ്ടംവേലി പുന്നക്കല്‍ വീട്ടിൽ ഫ്രാൻസിസ് സേവ്യർ, ഭാര്യ മരിയ ടീസ്മ എന്നിവരെയാണ് തോപ്പുംപടി പോലീസ് പിടികൂടിയത്. ഐസ്ക്രീം ഡപ്പയിൽ ഒളിപ്പിച്ച നിലയിൽ 20.01 ഗ്രാം എംഡിഎംഎയാണ് ഇവരിൽനിന്നു പോലീസ് പിടികൂടിയത്.
മുണ്ടംവേലിയിലുള്ള വീടിന്റെ അലമാരയിലെ ലോക്കറിലാണ് ഐസ്ക്രീം ഡപ്പയിലാക്കി ഇരുവരും എംഡിഎംഎ സൂക്ഷിച്ചിരുന്നത്. കൊച്ചി സിറ്റി പോലീസ് കമ്മിഷണർ പുട്ട വിമലാദിത്യയ്ക്ക് ലഭിച്ച രഹസ്യവിവരത്തിന്റെ അടിസ്ഥാനത്തിൽ തിങ്കഴാഴ്ച പുലർച്ചെയാണ് തോപ്പുംപടി പോലീസ് മുണ്ടംവേലിയിലെ വീട്ടിൽ പരിശോധന നടത്തിയത്. കോടതിയിൽ ഹാജരാക്കിയ പ്രതികളെ റിമാൻഡ് ചെയ്തു.
STORY HIGHLIGHT: mdma kochi couple arrested