അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.മണിപ്പൂർ തലസ്ഥാനമായ ഇംഫാലിൽ ഉൾപ്പെടെ മെയ്തയ് – കുക്കി അനുകൂല സംഘടനകളുടെ പ്രതിഷേധം ശക്തമാണ്. ദുരിതാശ്വാസ ക്യാമ്പിൽ നിന്ന് കുട്ടികളെയും സ്ത്രീകളെയും അടക്കം ആറ് പേരെ പിടികൂടി കൊലപ്പെടുത്തിയ കുക്കികൾക്കെതിരെ നടപടി ആവശ്യപ്പെട്ടാണ് ഇംഫാലിൽ മേയ്തയ് അനുകൂല സംഘടനകളുടെ പ്രതിഷേധം. ഏഴു ജില്ലകളിൽ കർഫ്യൂ, ഇൻറർനെറ്റ് നിരോധനവും തുടരുകയാണ്. ആക്രമണ പശ്ചാത്തലത്തിൽ മുഖ്യമന്ത്രി എൻ ബിരേൻ സിങ്ങിൻ്റെയും എംഎൽഎമാരുടെയും വീടുകൾക്ക് കനത്ത സുരക്ഷയാണ് ഒരുക്കിയിരിക്കുന്നത്. സ്ത്രീകൾക്കും കുട്ടികൾക്കും നേരെയുണ്ടാവുന്ന ആക്രമണങ്ങൾ മനുഷ്യത്വരഹിതം ആണെന്നും ഇത്തരക്കാർക്കെതിരെ നടപടി ഉണ്ടാകുമെന്നും മുഖ്യമന്ത്രി എൻ ബിരേൻ സിങ് പറഞ്ഞു.
