സ്‌ക്രീന്‍ പൊട്ടിയ ഫോണില്‍ പഠിച്ച് നീറ്റ് വിജയിച്ച 21 കാരനായ തൊഴിലാളിയുടെ കഥ ഇന്ന് സോഷ്യല്‍ മീഡിയയില്‍ വൈറലാണ്. ആ വീഡിയോ ദശലക്ഷക്കണക്കിന് കാഴ്ചക്കാരെയാണ് നേടി കൊടുത്തത്. ബിരുദ മെഡിക്കല്‍ പ്രോഗ്രാമുകളിലേക്കുള്ള പ്രവേശനത്തിനുള്ള നീറ്റ് പരീക്ഷയില്‍ 720-ല്‍ 677 സ്‌കോറോടെ സര്‍ഫറാസ് വിജയിച്ചു. എന്നാല്‍ ശാരീരിക അധ്വാനത്തില്‍ നിന്ന് മെഡിക്കല്‍ സ്‌കൂളിലേക്കുള്ള അദ്ദേഹത്തിന്റെ യാത്ര അസാധാരണമായിരുന്നില്ലെന്നാണ് ജീവിത കഥ പറയുന്നത്.
പശ്ചിമ ബംഗാളില്‍ നിന്നുള്ള സര്‍ഫറാസ് തന്റെ കഥ ഫിസിക്സ് വല്ലാ സ്ഥാപകന്‍ അലഖ് പാണ്ഡെയുമായി പങ്കുവെച്ചു. പ്രധാനമന്ത്രി ആവാസ് യോജനയ്ക്ക് കീഴില്‍ നിര്‍മ്മിച്ച ഒരു വീട്ടില്‍ താമസിക്കുന്ന അദ്ദേഹം, അമ്മയെയും ഇളയ സഹോദരനെയും പോറ്റുന്നതിനായി ഒരു കൂലിപ്പണിക്കാരനായി പിതാവിനൊപ്പം ജോലി ചെയ്തു. 21 കാരനായ കൂലിപ്പണിക്കാരന്‍ തന്റെ കുടുംബത്തെ പോറ്റാന്‍ ദിവസത്തില്‍ എട്ട് മണിക്കൂര്‍ ജോലി ചെയ്യുകയും വൈകുന്നേരം പഠിക്കുകയും ചെയ്തുവെന്ന് വെളിപ്പെടുത്തി. അവന്‍ ചെയ്ത ജോലിയാണെങ്കില്‍ ശരിക്കും നട്ടെല്ലൊടിക്കുന്നതായിരുന്നു. ഒരു ദിവസവും 200 മുതല്‍ 400 വരെ ഇഷ്ടികകള്‍ ഉയര്‍ത്തിവെയ്ക്കുന്നതാണ് പണി.
എംബിബിഎസ് കോഴ്സിലേക്ക് പ്രവേശനം നേടുന്നതിന് സാമ്പത്തിക ഞെരുക്കങ്ങളുമായി പോരാടി, ശരിയായ സ്മാര്‍ട്ട്ഫോണ്‍ പോലുമില്ലാത്ത സര്‍ഫറാസിന് നിസ്സാര കാര്യമായിരുന്നില്ല. വാസ്തവത്തില്‍, മകന്‍ മേല്‍ക്കൂരയില്ലാത്ത വീട്ടിലാണ് പഠിച്ചത്, അവന്റെ അമ്മ പാണ്ഡെയോട് പറഞ്ഞു. ‘ ഹമാരേ ഘര്‍ കി ചാത് ന്ഹി തി, സര്‍ഫറാസ് കോ രാത് മേ പഡ്തേ ഹ്യൂ തണ്ടി നാ ലഗ് ജായേ ഇസിലേ മൈ ഇസ്‌കെ സാത്ത് രാത് തക് ബൈത്തി തി’ (ഞങ്ങളുടെ വീടിന് മേല്‍ക്കൂരയില്ലായിരുന്നു, സര്‍ഫറാസിന് തണുപ്പ് വരാതിരിക്കാന്‍ ഞാന്‍ രാത്രി മുഴുവന്‍ ഇരുന്നു. )’ സര്‍ഫറാസിന്റെ അമ്മ പാണ്ഡെയോട് പറഞ്ഞു.
പത്താം ക്ലാസ് മുതല്‍ എന്‍ഡിഎയില്‍ (നാഷണല്‍ ഡിഫന്‍സ് അക്കാദമി) ചേരുമെന്ന് സര്‍ഫറാസ് സ്വപ്നം കണ്ടുവെങ്കിലും സാമ്പത്തിക ഞെരുക്കം മൂലം ആ ശ്രമം ഉപേക്ഷിച്ചു. 2022ല്‍ ആദ്യ ഘട്ടം പൂര്‍ത്തിയാക്കിയ ശേഷം, അഭിമുഖത്തിന് മുമ്പുള്ള ഒരു അപകടം അദ്ദേഹത്തിന്റെ അവസരങ്ങള്‍ അവസാനിപ്പിച്ചു. കൊവിഡ്-19 പകര്‍ച്ചവ്യാധിയുടെ കാലത്ത്, അലഖ് പാണ്ഡെയുടെ യൂട്യൂബ് വീഡിയോകളില്‍ നിന്നും ഫിസിക്സ് വല്ലാ കോഴ്സില്‍ നിന്നും പ്രചോദനം ഉള്‍ക്കൊണ്ട് അദ്ദേഹം നീറ്റ് തയ്യാറെടുപ്പിലേക്ക് ശ്രദ്ധ കേന്ദ്രീകരിച്ചു. 2023 നീറ്റ് പാസായെങ്കിലും സാമ്പത്തിക ബുദ്ധിമുട്ടുകള്‍ കാരണം അദ്ദേഹത്തിന് ഡെന്റല്‍ കോളേജ് പഠനം ഉപേക്ഷിക്കേണ്ടി വന്നു. തളരാതെ, സര്‍ഫറാസ് കൂടുതല്‍ കഠിനാധ്വാനം ചെയ്യുകയും NEET 2024 വിജയിക്കുകയും ചെയ്തു, കൊല്‍ക്കത്തയിലെ നില്‍ രത്തന്‍ സിര്‍കാര്‍ മെഡിക്കല്‍ കോളേജില്‍ പ്രവേശനം നേടി.
ഫിസിക്സ് വല്ലാഹ് സിഇഒ അലാഖ് പാണ്ഡെ സര്‍ഫറാസിന്റെ വീട് സന്ദര്‍ശിച്ച ശേഷം അദ്ദേഹത്തിന് സാമ്പത്തിക സഹായം നല്‍കി. അദ്ധ്യാപകന്‍ അവന്റെ കോളേജ് ഫീസ് അടയ്ക്കാമെന്ന് വാഗ്ദാനം ചെയ്യുകയും ഒരു പുതിയ ഫോണ്‍ സമ്മാനമായി നല്‍കുകയും ഒപ്പം 5 ലക്ഷം രൂപ വായ്പ നല്‍കുകയും ചെയ്തു. ”യേ 5 ലക്ഷം രൂപ തോഫാ നഹി, ലോണ്‍ ഹേ. ഇസ്‌കോ ഫ്യൂച്ചര്‍ മേ കിസി ദുസ്രെ സരുരത്മന്ദ് സര്‍ഫറാസ് കി മദാദ് കര്‍കെ ലൗട്ടാന ഹൈ” (ഈ 5 ലക്ഷം ഒരു സമ്മാനമല്ല, വായ്പയാണ്; ഭാവിയില്‍ സര്‍ഫറാസിനെപ്പോലെ മറ്റൊരു ദരിദ്രനെ സഹായിച്ച് ഇത് തിരിച്ചടയ്ക്കുക),” പാണ്ഡെ പറഞ്ഞു.