അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ഇടുക്കി ബൈസൺവാലിയിൽ പെൺമക്കളെ പീഡിപ്പിച്ച കേസിൽ അച്ഛനെ രാജാക്കാട് പോലീസ് അറസ്റ്റ് ചെയ്തു. സ്കൂളിൽ നടത്തിയ കൗൺസിലിംഗിലാണ് കുട്ടികളിലൊരാൾ കാര്യങ്ങൾ വെളിപ്പെടുത്തിയത്. 19 ഉം 17ഉം 16ഉം വയസ്സുള്ള മൂന്നു കുട്ടികളെയാണ് ഇയാൾ പീഡിപ്പിച്ചിരുന്നത്. സ്കൂള്‍ അധികൃതർ അറിയിച്ചതിനെ തുടർന്ന് പെൺകുട്ടികൾ ചൈൽഡ് ലൈനിൽ പരാതി നൽകി. തുടർന്ന് പോലീസ് നടത്തിയ അന്വേഷണത്തിലാണ് ഇയാളെ അറസ്റ്റു ചെയ്തത്.
കുട്ടികളുടെ അമ്മ മാനസിക വെല്ലുവിളി നേരിടുന്നയാളാണ്. ഇവർ ഇതിനുള്ള മരുന്ന് കഴിച്ച് മയങ്ങിക്കിടക്കുമ്പോഴാണ് വർഷങ്ങളായി അച്ഛൻ കുട്ടികളെ ദുരുപയോഗം ചെയ്തിരുന്നത്. വിവരം പുറത്ത് പറയാതിരിക്കാൻ കത്തികാട്ടി ഭീഷണിപ്പെടുത്തിയിരുന്നതായും കുട്ടികൾ മൊഴി നൽകിയിട്ടുണ്ട്.
പോക്സോ കേസ് ഉള്‍പ്പെടെ ചേർത്ത് അറസ്റ്റ് ചെയ്ത പ്രതിയെ നാളെ കോടതിയിൽ ഹാജരാക്കും. പീഡനത്തിനിരയായ പെണ്‍കുട്ടികളുടെ സ്വകാര്യത കണക്കിലെടുത്ത് നിയമപ്രകാരം പ്രതിയുടെ പേരും മറ്റു വിവരങ്ങളും പുറത്തുവിടാനാകില്ലെന്ന് പോലീസ് അറിയിച്ചു.
STORY HIGHLIGHT: father arrested for raping his three daughters for years
