അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ഇഞ്ചോടിഞ്ച് പോരാട്ടം നടക്കുന്ന പാലക്കാട് യുഡിഎഫ് സ്ഥാനാർത്ഥി രാഹുൽ മാങ്കൂട്ടത്തിലിന്റെ മുന്നേറ്റം. ലീഡ് 15000 കടന്നു. ഒമ്പതാം റൗണ്ട് എണ്ണി തുടങ്ങുമ്പോൾ 11,201 വോട്ടിലേക്ക് രാഹുലിന്റെ ലീഡ് ഉയർന്നു. തുടക്കത്തിൽ ബിജെപി മുന്നിലെത്തിയിരുന്നെങ്കിലും പിന്നീട് ലീഡ് നില മാറിമറിയുകയായിരുന്നു. പാലക്കാട് യുഡിഎഫ് തിരഞ്ഞെടുപ്പ് കമ്മിറ്റി ഓഫീസിൽ മധുര വിതരണം ആരംഭിച്ചു. മുൻസിപാലിറ്റി വോട്ടുകൾ എണ്ണി കഴിഞ്ഞ് പഞ്ചായത്തുകളിലെ വോട്ടുകളാണ് എണ്ണുന്നത്. 2021ലെ തിരഞ്ഞെടുപ്പ് വച്ച് നോക്കുമ്പോൾ നഗരസഭയിൽ മാത്രം 7066 വോട്ടുകളാണ് ബിജെപിക്ക് കുറഞ്ഞത്. രാഹുൽ മങ്കുട്ടത്തിലിന്റെ അടൂർ മുണ്ടപ്പള്ളിയിലെ വീട്ടിൽ ആഘോഷം ആരംഭിച്ചു. അടുത്ത ബന്ധുക്കളും പാർട്ടി പ്രവർത്തകരും ആണ് ഇവിടെയുള്ളത്.
