നാടൻ രുചിയിൽ മത്തങ്ങ എരിശ്ശേരി | mathanga-erissery-pumpkin

മലയാളികളുടെ പ്രയപ്പെട്ട സദ്യ വിഭവങ്ങളിൽ ഒന്നാണ് എരിശ്ശേരി. എങ്ങനെയാണ് തയാറാക്കുന്നത് എന്ന് നോക്കിയാലോ…

ചേരുവകൾ

• മത്തങ്ങ
• വൻപയർ
• ജീരകം
• കറിവേപ്പില
• മഞ്ഞൾപ്പൊടി
• വെളിച്ചെണ്ണ
• കടുക്
• വറ്റൽമുളക്
• ചുവന്നുള്ളി
• തേങ്ങ

തയ്യാറാക്കുന്ന വിധം

• വൻപയർ മൂന്ന് മുതൽ നാല് മണിക്കൂർ വരെ വെള്ളത്തിൽ കുതിർത്തു വെയ്ക്കുക. ശേഷം അടുപ്പിൽ വെച്ച് വേവിക്കുക.
• വൻപയർ പകുതി വെന്തു വരുമ്പോൾ മത്തങ്ങ കഷ്ണങ്ങളാക്കിയതു ചേർക്കുക.
• എരിവിനനുസരിച്ച് മുളകുപൊടി, അൽപ്പം മഞ്ഞൾപ്പൊടി, ആവശ്യത്തിന് ഉപ്പ് എന്നിവ ചേർത്തിളക്കി വേവിക്കുക.
• തേങ്ങ ചിരകിയതിലേയ്ക്ക് അൽപ്പം ജീരകവും, കറിവേപ്പിലയും, മഞ്ഞൾപ്പൊടിയും ചേർത്ത് അരച്ചെടുക്കുക.
• വെന്തു വരുന്ന മത്തങ്ങയിലേയ്ക്ക് അരപ്പ് ചേർത്ത് നന്നായി ഇളക്കുക.
• ഒരു പാൻ അടുപ്പിൽ വെച്ച് ആവശ്യത്തിന് എണ്ണ ഒഴിച്ചു ചൂടാക്കി കുറച്ച് കടുക് ചേർത്ത് പൊട്ടിക്കുക.
• അതിലേയ്ക്ക് വറ്റൽമുളകും, തേങ്ങ ചിരകിയതും, കറിവേപ്പിലയും ചേർത്ത് വറുക്കുക.
• തിളച്ചു വരുന്ന കറിയിലേയ്ക്ക് ഇത് ചേർത്ത് അടുപ്പണയ്ക്കുക.
• ചോറിനൊപ്പം വിളമ്പി കഴിക്കാം.

content highlight: mathanga-erissery-pumpkin