‘തണ്ടേൽ’ എന്ന പാൻ ഇന്ത്യൻ ചിത്രത്തിന്റെ പുതിയ പോസ്റ്റർ റിലീസ് ചെയ്തു. നായകനായി എത്തുന്ന നാഗ ചൈതന്യയാണ് പോസ്റ്ററിൽ ഉള്ളത്. നടന്റെ ജന്മദിനത്തോട് അനുബന്ധിച്ചായിരുന്നു പുതിയ അപ്ഡേറ്റ്. കടലിന്റെ പശ്‌ചാത്തലത്തിൽ കഥ പറയുന്ന ചിത്രത്തിൽ, കയ്യിൽ വമ്പൻ നങ്കൂരവുമേന്തി മഴയിൽ കുതിർന്നു ബോട്ടിൽ നിൽക്കുന്ന നാഗ ചൈതന്യയെ പോസ്റ്ററിൽ കാണാം.
ചിത്രം 2025 ഫെബ്രുവരി 7ന് തിയറ്ററുകളിൽ എത്തും. ചന്ദു മൊണ്ടേട്ടി സംവിധാനം ചെയ്യുന്ന ചിത്രത്തിലെ നായിക സായ് പല്ലവിയാണ്. ഗീത ആർട്സിന്റെ ബാനറിൽ ബണ്ണി വാസ് നിർമ്മിച്ച് അല്ലു അരവിന്ദ് അവതരിപ്പിക്കുന്ന പാൻ ഇന്ത്യൻ ചിത്രമാണ് ‘തണ്ടേൽ’. ബ്ലോക്ക്ബസ്റ്റർ ഹിറ്റായ ലവ് സ്റ്റോറിക്ക് ശേഷം നാഗ ചൈതന്യയും സായ് പല്ലവിയും വീണ്ടും ഒന്നിക്കുന്ന ചിത്രം കൂടിയാണ് ‘തണ്ടേൽ’.