അടുത്തിടെ ആയിരുന്നു നടി മീരാനന്ദൻറെ വിവാഹം. മാസങ്ങൾക്കു മുൻപ് ഗുരുവായൂർ അമ്പലത്തിൽ വച്ചായിരുന്നു താലികെട്ട്. വിവാഹത്തിനുശേഷം അധികം വൈകാതെ തന്നെ ദുബായിലേക്ക് മീര മടങ്ങിപ്പോയി. ദുബായിലെ ഒരു എഫ്എമ്മിൽ ആർജെ ആയി ജോലി ചെയ്യുകയാണ് മീര. ഇപ്പോഴിതാ സമൂഹമാധ്യമങ്ങളിലൂടെ മീരയുടെ പഴയൊരു വീഡിയോ വൈറല്‍ ആവുകയാണ്.
ദിലീപിന്റെ നായികയായി മുല്ല എന്ന സിനിമയിലൂടെ സിനിമയിലേക്ക് എത്തുന്നതിന് മുന്‍പ് തന്നെ മീര ടെലിവിഷന്‍ പരിപാടികളില്‍ സജീവമായിരുന്നു. അവതാരകയായിട്ടാണ് മീര ചാനലുകളില്‍ പ്രത്യക്ഷപ്പെട്ടത്. എന്നാല്‍ അവതാരകയാവുന്നതിനു മുന്‍പ് ഗായികയാവനാണ് നടി ശ്രമിച്ചത്.
ഇതിന് മുന്നോടിയായി സംഗീത റിയാലിറ്റി ഷോയായ ഐഡിയ സ്റ്റാര്‍ സിംഗറില്‍ പങ്കെടുക്കാനുള്ള ഓഡിഷനിലും മീര പങ്കെടുത്തിരുന്നു. പക്ഷേ പാടിയ പാട്ട് മോശമായെന്ന് പറഞ്ഞു മീരയെ അവഗണിക്കുകയായിരുന്നു. അന്ന് പാട്ടുപാടാന്‍ വേണ്ടി ശ്രമിച്ച മീരയെ ചാനലുകാര്‍ അവതാരകയായി തിരഞ്ഞെടുത്തു. അവിടുന്ന് പിന്നെ മീരയ്ക്ക് തിരിഞ്ഞു നോക്കേണ്ടതായി വന്നില്ല. പല ചാനലുകളിലും അവതാരകയായി നിറഞ്ഞുനില്‍ക്കുന്നതിനിടയില്‍ സിനിമയില്‍ നായികയാവാന്‍ ഉള്ള അവസരം വന്നു.
ലാല്‍ ജോസ് സംവിധാനം ചെയ്ത് ദിലീപ് നായകനായി എത്തിയ മുല്ല എന്ന സിനിമയിലാണ് മീര ആദ്യമായി നായികയാവുന്നത്. ഈ സിനിമ ശ്രദ്ധിക്കപ്പെട്ടതോടെ പിന്നീട് നിരവധി സിനിമകളിലും അവസരം ലഭിച്ചു. മലയാളത്തിന് പുറമെ തമിഴിലും തെലുങ്കിലും കന്നടയിലുമൊക്കെ നായികയായി മീര നന്ദന്‍ അഭിനയിച്ചു. ഇടയ്ക്ക് സിനിമ ഉപേക്ഷിച്ച നടി ദുബായിലേക്ക് പോവുകയും അവിടെ റേഡിയോ ജോക്കിയായി ജോലി ചെയ്യുകയുമാണ്.
വലിയ ഉയരങ്ങള്‍ കീഴടക്കിയെങ്കിലും മീരയുടെ തുടക്കകാലത്തെ ഒരു വീഡിയോയാണ് ഇപ്പോള്‍ വൈറലാകുന്നത്. അന്ന് ഓഡിഷനില്‍ പങ്കെടുക്കാന്‍ എത്തിയപ്പോള്‍ പാട്ട് മോശമായതിന്റെ പേരില്‍ വിധികര്‍ത്താക്കളില്‍ നിന്ന് പരിഹാസം ഏറ്റുവാങ്ങേണ്ടി വന്ന നടിയുടെ വീഡിയോയാണ് ഇപ്പോള്‍ സമൂഹമാധ്യമങ്ങളിലൂടെ പ്രചരിക്കുന്നത്.
‘മെഹറുബ, മെഹറുബ’ എന്ന പാട്ടായിരുന്നു അന്ന് മീര പാടിയത്. പാടി കഴിഞ്ഞതോടെ എന്തെങ്കിലും വിഷമം ഉണ്ടോന്നാണ് സംഗീത സംവിധായകന്‍ അല്‍ഫോണ്‍സ് ചോദിച്ചത്. ഇല്ല വിഷമമൊന്നുമില്ല എന്ന് മീര പറയുമ്പോള്‍ പാടുന്ന സമയത്ത് ചിരിയൊന്നും വരുന്നില്ലല്ലോ എന്നായിരുന്നു അദ്ദേഹത്തിന്റെ മറുപടി.
ഈ വീഡിയോ ശ്രദ്ധയില്‍പ്പെട്ടതോടെ ട്രോളന്മാര്‍ ഏറ്റുപിടിച്ചു. ‘മുറിവേറ്റ സിംഹത്തിന്റെ ശ്വാസം ഗര്‍ജനത്തേക്കാള്‍ ഭയങ്കരമായിരുന്നു’ എന്ന സിനിമ ഡയലോഗ് കൂടി ചേര്‍ത്താണ് മീരയുടെ പഴയ വീഡിയോയും പുതിയ വീഡിയോയും ചേര്‍ത്ത് പ്രചരിക്കപ്പെടുന്നത്. വീഡിയോ ശ്രദ്ധയില്‍പ്പെട്ടതോടെ കമന്റുമായി നടിയും എത്തിയിരുന്നു.
‘ചെറിയ കുറവുകള്‍ കണ്ട് ഒരാളെയും അളക്കരുത്, ലൈഫ് പ്രവചനാധീതമാണ്. അന്ന് തീ കത്തിയില്ല. കത്തിയപ്പോള്‍ അങ്ങ് ആളിക്കത്തി. ഇവന്മാര്‍ കളിയാക്കി വിട്ടവര്‍ എല്ലാം രക്ഷപെട്ടല്ലോ, അതുപോലെ ഇരുന്നു കളിയാക്കുന്ന കുറെ അറിയാം എന്ന് വിചാരിക്കുന്നു ഊള തെണ്ടികള്‍ ഉണ്ട്. ഇവന്മാര്‍ നേരെ പൊട്ടി വീണതാണെന്നാണ് വിചാരം. ദീപക് ദേവിന്റെ എല്ലാരോടുമുള്ള പുച്ഛ ഭാവം, അതാണ് സഹിക്കാന്‍ പറ്റാത്തത്…’ എന്നിങ്ങനെ നടിയെ പിന്തുണച്ചും താരങ്ങളെ വിമര്‍ശിച്ചും വീഡിയോയുടെ താഴെ നിരവധി കമന്റുകളാണ് വരുന്നത്.
content highlight: reaction-about-meera-nandans audition video