അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.പുഷ്പ 2: ദി റൂളിലെ പുതുതായി പുറത്തിറങ്ങിയ കിസ്‌സിക് എന്ന ഗാനത്തിലെ ശ്രീലീലയുടെ പ്രകടനത്തെ പ്രശംസിച്ച് നടി സാമന്ത. ഗാനത്തിൽ അല്ലു അർജുനും ശ്രീലീലയും തമ്മിലുള്ള ഊർജ്ജസ്വലമായ നൃത്തം ആരാധകർ ഇരുകൈയും നീട്ടിയാണ് സ്വീകരിച്ചിരുന്നത്. എന്നിരുന്നാലും ഗാനത്തിനും ഗാനത്തിലെ പ്രകടനത്തിനും പ്രേക്ഷകരിൽ നിന്ന് സമ്മിശ്ര പ്രതികരണങ്ങളും ലഭിക്കുന്നുണ്ട്. പുഷ്പയുടെ ആദ്യഭാഗത്തിൽ സമാന്തയായിരുന്നു ഐറ്റം ഡാൻസുമായി എത്തിയിരുന്നത്. ഇൻസ്റ്റാഗ്രാം സ്റ്റോറിയിലൂടെയാണ് സാമന്ത ശ്രീലീലയെയും ഗാനത്തെയും പ്രശംസിച്ചത്.
ചിലർ സാമന്തയുടെ ഐക്കണിക് ഡാൻസുമായി ഇതിനെ താരതമ്യപ്പെടുത്തുകയും. ചില കാഴ്ചക്കാർ ഇപ്പോഴും സാമന്തയുടെ പ്രകടനം കൂടുതൽ ആകർഷകമായി കാണുകയും ചെയ്യുന്നുണ്ട്. എന്നാൽ നവംബർ 24 ന് ചെന്നൈയിൽ നടന്ന ഒരു ഗ്രാൻഡ് ഇവൻ്റിൽ റിലീസ് ചെയ്ത കിസ്‌സിക് എന്ന ഈ ഗാനം 12 മണിക്കൂറിനുള്ളിൽ 17.7 ദശലക്ഷം വ്യൂസ് നേടി റെക്കോർഡുകൾ തകർത്തു. കിസിക് ഏറ്റവും കൂടുതൽ ചർച്ച ചെയ്യപ്പെടുന്ന ട്രാക്കുകളിലൊന്നായി മാറി.
പ്രേക്ഷകർ ഇന്നും ആഘോഷമാക്കുന്ന ഒരു ഗാനമാണ് പുഷ്പ ചിത്രത്തിലെ സാമന്തയുടെ ഐറ്റം ഡാൻസ്. അതുപോലെ തന്നെ മികച്ചതാണ് പുഷ്പ 2: ദി റൂളിലെ ശ്രീലീലയുടെ പ്രകടനവും.
STORY HIGHLIGHT: samantha on kissik song praisess
