എത്ര തവണ തയ്യാറാക്കിയിട്ടും നാരങ്ങ അച്ചാറിന് കയ്പ്പ് രുചിയാണോ? ഈ റെസിപ്പി ട്രൈ ചെയ്യൂ | lemon-pickle-instant-recipe

കയ്പ്പില്ലാതെ നാരങ്ങ ഉപയോഗിച്ച് അച്ചാർ തയ്യാറാക്കിയെടുക്കുക എന്നത് ശ്രമകരമാണ്. ഈ റെസിപി ട്രൈ ചെയ്യൂ

ചേരുവകൾ

• നാരങ്ങ – 4 എണ്ണം
• വറ്റൽമുളക് – 24 എണ്ണം
• ഉലുവ – 1/4 ടീസ്പൂൺ
• കായം – ആവശ്യത്തിന്
• എള്ളെണ്ണ – ആവശ്യത്തിന്
• ഉപ്പ് – ആവശ്യത്തിന്

തയ്യാറാക്കുന്ന വിധം

• നാരങ്ങ നന്നായി കഴുകി തുടച്ചെടുക്കാം.
• നാരങ്ങയിൽ ചെറിയ തുളകളിട്ടു കൊടുക്കാം.
• അടി കട്ടിയുള്ള ഒരു പാത്രം അടുപ്പിൽ വച്ച് ചൂടാക്കാം.
• അതിലേക്ക് ആവശ്യത്തിന് നല്ലെണ്ണ ഒഴിച്ചു ചൂടാക്കി നാരങ്ങ ചേർത്ത് വറുത്തു മാറ്റാം.
• ചൂടാറിയതിനു ശേഷം അവ ചെറിയ കഷ്ണങ്ങളായി മുറിക്കാം.
• മറ്റൊരു പാനിൽ കാൽ ടീസ്പൂൺ ഉലുവ, കുറച്ച് കായപ്പൊടി, വറ്റൽമുളക് എന്നിവ ചേർത്ത് വറുത്തു പൊടിച്ചെടുക്കാം.
• ഒരു പാൻ അടുപ്പിൽ വച്ച് നല്ലെണ്ണ ഒഴിച്ചു ചൂടാക്കാം.
• അതിലേക്ക് നാരങ്ങ കഷ്ണങ്ങളും അരപ്പും ആവശ്യത്തിന് ഉപ്പും ചേർത്തിളക്കി യോജിപ്പിക്കാം.
• ശേഷം അടുപ്പണച്ച് തണുക്കാൻ വയ്ക്കുക. വൃത്തിയുള്ള ഈർപ്പം കടക്കാത്ത പാത്രത്തിലേയ്ക്ക് ഇതു മാറ്റി സൂക്ഷിക്കാം.

content highlight: lemon-pickle-instant-recipe