അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ചായക്കൊപ്പം കഴിക്കാൻ രുചികരമായ ബീഫ് കട്ലറ്റ് തയ്യാറാക്കിയാലോ? നല്ല സോസിനൊപ്പം കഴിക്കാൻ കിടിലൻ സ്വാദാണ്. തയ്യാറാക്കുന്നത് എങ്ങനെയെന്ന് നോക്കിയാലോ?
ആവശ്യമായ ചേരുവകള്‍
- 1. ബീഫ് – 1കപ്പ്
- കുരുമുളക്‌പൊടി – അര ടീസ്പൂണ്‍
- ഗരം‌മസാല – അര ടീസ്പൂണ്‍
- ഉപ്പ് – ആവശ്യത്തിന്
- 2. എണ്ണ – 1 ടീസ്പൂണ്‍
- 3. സവാള – 1
- പച്ചമുളക് – 3
- ഇഞ്ചി – 1ടീസ്പൂണ്‍
- വെളുത്തുള്ളി – 1ടീസ്പൂണ്‍
- 4. ഉരുളകിഴങ്ങ്(പുഴുങ്ങി പൊടിച്ചത്) -ഒന്ന് വലുത്
- 6. എണ്ണ – വറുക്കാന്‍ ആവശ്യത്തിന്
- 8 കറിവേപ്പില – 1തണ്ട്
- 9. കോഴിമുട്ട(അടിച്ച് പതപ്പിച്ചത്) – 1
- 10. കോട്ടിംഗിന് ആവശ്യമായ റെസ്ക്ക്പൊടി
തയ്യാറാക്കുന്ന വിധം
ബീഫ് കുരുമുളക് പൊടി, ഗരം മസാല, ഉപ്പ് എന്നിവ ചേർത്ത് വേവിച്ച് മിക്സിയില്‍ അടിച്ചെടുക്കുക. പാന്‍ അടുപ്പില്‍ വെച്ച് ചൂടാകുമ്പോള്‍ 1 ടീസ്പൂണ്‍ എണ്ണയൊഴിച്ച് ചെറുതായി അരിഞ്ഞ സവാള, പച്ചമുളക്, ഇഞ്ചി, വെളുത്തുള്ളി, കറിവേപ്പില എന്നിവ നന്നായി വഴറ്റുക. നന്നായി വഴന്ന് കഴിയുമ്പോള്‍ തയ്യാറാക്കി വെച്ചിരിക്കുന്ന ബീഫും അല്പം ഉപ്പും ചേർക്കുക. നന്നായി ഇളക്കി ഇറച്ചിയിലെ വെള്ളം ഇല്ലാതാകുമ്പോള്‍ വേവിച്ച് വെച്ച ഉരുളക്കിഴങ്ങ് ചേര്ത്ത് എല്ലാം കൂടി നന്നായി മിക്സ് ചെയ്തിട്ട് തീ അണക്കുക. ഈ കൂട്ട് ചെറിയ ഉരുളകളാക്കി മുട്ടയില്‍ മുക്കി പിന്നെ റെസ്ക് പൊടിയിലും മുക്കി എണ്ണയില്‍ ഇട്ട് വറുത്തെടുക്കാം.
