ഫെംഗല്‍ ചുഴലിക്കാറ്റ് തമിഴ്നാട്ടില്‍ പ്രത്യേകിച്ച് ചെന്നൈ നഗരത്തില്‍ വലിയ നാശ നഷ്ടങ്ങളാണ് ഉണ്ടാക്കിയത്. ഇപ്പോള്‍ മഴ മാറി ചെന്നൈയുടെ ആകാശം തെളിഞ്ഞെങ്കിലും പല തരത്തിൽ മഴക്കെടുതി വരുത്തിയ നാശ നഷ്ടം വലിയ രീതിയിലാണ് ജനങ്ങളെ ബാധിച്ചത്. മഴക്കെടുതി ശരിക്കും ഒട്ടുമിക്കവര്‍ക്കും ബുദ്ധമുട്ടായി മാറിയപ്പോള്‍ ചിലര്‍ ഈ നിമിഷങ്ങളെ വളരെ ക്രിയാത്മകമായി ഉപയോഗിച്ചുവെന്ന് പറയാം. അത്തരത്തില്‍ വൈറലായ ഒരു വീഡിയോ ഇപ്പോള്‍ സോഷ്യല്‍ മീഡിയില്‍ ഇപ്പോള്‍ വൈറലാണ്. ചെന്നൈയിലെ ഒരു മുത്തച്ഛന്‍ തന്റെ കുടുംബത്തിന്റെ മാനസികാവസ്ഥയെ തളര്‍ത്താന്‍ അനുവദിച്ചില്ല. തന്റെ സ്‌കൂട്ടറിന് പിന്നില്‍ വെള്ളം കയറിയ വീട്ടിലൂടെ കൊച്ചുമക്കളെയും വഹിച്ചുകൊണ്ട് ചങ്ങാടം (ഡങ്കി ബോട്ട്) വലിച്ചുകൊണ്ടുപോകുന്ന ദൃശ്യമാണ് ഇപ്പോള്‍ വൈറലായിരിക്കുന്നത്.
വൈറല്‍ ക്ലിപ്പില്‍ ഇലക്ട്രിക് സ്‌കൂട്ടറില്‍ ആവേശഭരിതനായ ഒരാള്‍ തന്റെ വീടിന് പുറത്ത് മഴയെത്തുടര്‍ന്ന് കെട്ടി നില്‍ക്കുന്ന വെള്ളപ്പൊക്കമുള്ള പ്രദേശത്ത് വട്ടം ചുറ്റുന്നത് കാണാം. പിന്നില്‍ വായു നിറച്ച ചങ്ങാടത്തിനുള്ളില്‍ രണ്ടു കുട്ടികള്‍ ഇരിക്കുന്നു, അവരുടെ ബോട്ട് വെള്ളത്തില്‍ നീങ്ങുമ്പോള്‍ ചിരിക്കുകയും ആഹ്ലാദിക്കുകയും ചെയ്യുന്നു. നവംബര്‍ 30ന് പുതുച്ചേരി -തമിഴ്നാട് തീരത്ത് ചുഴലിക്കാറ്റ് വീശിയടിക്കുന്നതിന് മുമ്പ് വീഡിയോ റെക്കോര്‍ഡ് ചെയ്തതായി റിപ്പോര്‍ട്ടുണ്ട്. മുത്തച്ഛന്‍ വെള്ളക്കെട്ടുള്ള പ്രദേശത്ത് നാവിഗേറ്റ് ചെയ്യുമ്പോള്‍, കുട്ടികള്‍ ചങ്ങാടത്തില്‍ വിശ്രമിക്കുകയും ചെളി നിറഞ്ഞ വെള്ളത്തില്‍ തൊടരുതെന്ന് സ്‌ക്രീനിന് പുറത്തുള്ള കുടുംബാംഗങ്ങള്‍ നിര്‍ദ്ദേശിക്കുകയും ചെയ്യുന്നു. ഇവിടെയുള്ള വീഡിയോ നോക്കൂ:
സ്‌നേഹനിധിയായ മുത്തച്ഛന്റെ പ്രവര്‍ത്തി ഇന്റര്‍നെറ്റില്‍ വലിയ രീതിയില്‍ മതിപ്പുളവാക്കി. വീഡിയോയ്ക്ക് നിരവധി കമന്റുകള്‍ കിട്ടിയിട്ടുണ്ട്. വീഡിയോ ആയിരക്കണക്കിന് വ്യുവ്‌സ് നേടി, ഒരു ദുരന്തസമയത്തും കുട്ടികള്‍ക്ക് സന്തോഷം നല്‍കിയതിന് മനുഷ്യനെ പ്രശംസിച്ച ഉപയോക്താക്കളെ സന്തോഷിപ്പിച്ചു. ‘ഞാന്‍ ഇതുവരെ കണ്ടിട്ടുള്ള ചെന്നൈ മഴയില്‍ നിന്നുള്ള ഏറ്റവും മികച്ച വീഡിയോ,’ ഒരു ഉപയോക്താവ് പറഞ്ഞു, മറ്റൊരാള്‍ അഭിപ്രായപ്പെടുന്നു, ‘ ചുഴലിക്കാറ്റ് ഇത്രയും രസകരമായിരിക്കുമെന്ന് ഒരിക്കലും കരുതിയിരുന്നില്ല. മൂന്നാമത്തെ കമന്റ് ഇങ്ങനെയായിരുന്നു: ‘മോശമായ സാഹചര്യങ്ങളിലും സ്വയം സന്തോഷവാനായിരിക്കുക’. മോശമായ ഒരു സാഹചര്യം പരമാവധി പ്രയോജനപ്പെടുത്തിയതിന് മറ്റുള്ളവര്‍ അദ്ദേഹത്തെ പ്രശംസിച്ചു. ‘മനോഹരമായ – ഒരു മികച്ച ഉദാഹരണം – നിങ്ങള്‍ എവിടെയായിരുന്നാലും ഏത് സാഹചര്യത്തിലും ഓരോ നിമിഷവും ആസ്വദിക്കൂ – അത് പരമാവധി പ്രയോജനപ്പെടുത്തുകയെന്ന് ഒരു ഉപയോക്താവ് എഴുതി. നിരവധി ഉപയോക്താക്കള്‍ മുത്തച്ഛനും അവന്റെ കൊച്ചുമക്കളും തമ്മിലുള്ള ബന്ധത്തെ പ്രശംസിക്കുകയും ചെയ്തു. ‘മുത്തച്ഛന്‍ പേരക്കുട്ടികളുടെ ആദ്യ സുഹൃത്താണ്, കൊച്ചുമക്കള്‍ മുത്തച്ഛന്റെ അവസാനത്തെ സുഹൃത്താണ്,’ അവരില്‍ ഒരാള്‍ പറഞ്ഞു.
അതേസമയം, ഫെംഗല്‍ ചുഴലിക്കാറ്റ് ശക്തിപ്രാപിച്ച് തമിഴ്നാട്ടില്‍ നിന്ന് നീങ്ങുന്ന സാഹചര്യത്തില്‍ കേരളത്തില്‍ കനത്ത മഴ പെയ്യുമെന്ന് ഇന്ത്യന്‍ കാലാവസ്ഥാ വകുപ്പ് (ഐഎംഡി) പ്രവചിച്ചു. കാസര്‍കോട്, കണ്ണൂര്‍, വയനാട്, കോഴിക്കോട്, മലപ്പുറം എന്നീ അഞ്ച് ജില്ലകളില്‍ റെഡ് അലര്‍ട്ട് പ്രഖ്യാപിച്ചിട്ടുണ്ട്.