അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ഭക്ഷണം ബാക്കി വന്നാൽ ഫ്രിഡ്ജിൽ വയ്ക്കുകയാണ് പതിവ്. ഇതുകൂടാതെ ഒന്നു രണ്ടു ദിവസത്തേക്കുള്ള ഭക്ഷണം ഉണ്ടാക്കി ഫ്രിഡ്ജിൽ വയ്ക്കുന്ന പതിവും ഉണ്ട്. എന്നാൽ ആ ഭക്ഷണസാധനങ്ങൾ ഫ്രിഡ്ജിൽ വയ്ക്കുന്നത് ശരിയായ രീതിയിൽ തന്നെയാണോ? പലരും ഭക്ഷണസാധനങ്ങൾ ഫ്രിഡ്ജിനകത്ത് വയ്ക്കുമ്പോൾ തുറന്നു വയ്ക്കാറുണ്ട്. അത്തരത്തിൽ ഫ്രിഡ്ജിൽ ഭക്ഷണങ്ങൾ സൂക്ഷിക്കുമ്പോൾ എന്തൊക്കെ ശ്രദ്ധിക്കണം എന്ന് നോക്കാം..
1. ഭക്ഷണം പൊതിഞ്ഞ് വെയ്ക്കുന്നത് കൂടുതൽ ഫ്രഷ് ആയി നിലനിർത്തും: വായുകടക്കാത്ത പാത്രങ്ങളിലോ ഫോയിൽ പേപ്പർ ഉപയോഗിച്ചോ ഭക്ഷണങ്ങൾ മൂടി വെയ്ക്കുന്നത് ഭക്ഷണം കൂടുതൽ നേരം ഫ്രഷായി ഇരിക്കാൻ സഹായിക്കും. ഫ്രിഡ്ജിനകത്ത് തുറന്നുവെയ്ക്കുന്ന ഭക്ഷണങ്ങൾ പുറത്തെടുക്കുമ്പോൾ വിളറിയതും രുചിയില്ലാത്തതുമായി കാണപ്പെടുന്നു.
മൂടി വെയ്ക്കാതിരുന്നാൽ ഭക്ഷണത്തിന് മോശം മണം ഉണ്ടാവാനും കാരണം ആവുന്നതാണ്. ഫ്രിഡ്ജിനുള്ളിലെ തണുത്ത വായൂപ്രവാഹം ഭക്ഷണം തണുപ്പിക്കുമ്പോൾ ഭക്ഷണത്തിന്റെ മണം ഇല്ലാതാക്കുന്നു. ഭക്ഷണം മൂടി വെയ്ക്കാതിരിക്കുമ്പോൾ അതിന്റെ സ്വാഭാവിക മണവും രുചിയുമില്ലാതാകും.
2. ഭക്ഷണ സാധനങ്ങൾ ഫ്രിഡ്ജിൽ വെയ്ക്കുന്നത് ഭക്ഷണ കേടാവുന്നത് തടയുന്നു: ഭക്ഷണ സാധനങ്ങൾ ഫ്രിഡ്ജിൽ വെയ്ക്കുന്നതിന് മുൻപ് മൂടി വെയ്ക്കുമ്പോൾ അത് പെട്ടെന്ന് കേടാവില്ല. ഫ്രിഡ്ജിൽ ഭക്ഷണം സാധനം തുറന്നുവെയ്ക്കുന്നത് ഭക്ഷണങ്ങളിൽ ഫംഗസും ബാക്ടീരയയും വളരും. ശരിയായ താപനില നിലനിർത്താതെയിരിക്കുമ്പോൾ ബാക്ടീരിയ പെട്ടെന്ന് വളരും.
ഫ്രിഡ്ജിൽ പഴയ ഭക്ഷണങ്ങൾ ഉണ്ടെങ്കിലോ കേടായ ഭക്ഷണം അബദ്ധ വശാൽ ഫ്രിഡ്ജിനകത്ത് വെച്ചാലോ അവ ഫ്രിഡ്ജിനുള്ളിൽ ബാക്ടീരയയുടെ വളർച്ചയ്ക്ക് കാരണമാകും. മത്സ്യം, മാംസം തുടങ്ങിയ പാകം ചെയ്യാത്ത ഭക്ഷണ സാധനങ്ങൾ ഫ്രിഡ്ജിനകത്ത് ഉണ്ടെങ്കിൽ തുറന്ന വെയ്ക്കുന്ന ഭക്ഷണത്തിലേക്ക് അതിന്റെ അംശങ്ങളെത്താൻ കാരണം ആയേക്കാവുന്നതാണ്. പക്ഷേ ഭക്ഷണങ്ങൾ മൂടി വെയ്ക്കുന്നതാണെങ്കിൽ കേടായ വസ്തുക്കളിൽ നിന്നുള്ള ഫംഗസും ബാക്ടീരയയും മറ്റ് ഭക്ഷണ വസ്തുക്കളെ ബാധിക്കില്ല..
3. ശീതികരിച്ച ഭക്ഷണങ്ങൾ മൂടി വെയ്ക്കുന്നത് ഫ്രിഡ്ജ് വൃത്തിയായി സൂക്ഷിക്കുന്നു: ഭക്ഷണം ഫ്രിഡ്ജിൽ അടച്ച് സൂക്ഷിക്കുമ്പോൾ അത് ഫ്രിഡ്ജ് വൃത്തിയായി സൂക്ഷിക്കാനും സഹായകമാകുന്നു.. പാകം ചെയ്ത ഭക്ഷണങ്ങൾ വായു കടക്കാത്ത ബോക്സിൽ വെയ്ക്കുമ്പോൾ ദുർഗന്ധവും വരില്ല, ഫംഗസും ഉണ്ടാവില്ല.
ഭക്ഷണം അടച്ച് വെയ്ക്കാതിരുന്നാൽ അതിൽ നിന്ന് വെള്ളവും അംശങ്ങളും ഫ്രിഡ്ജിനെ മലിനമാക്കുന്നു. ഭക്ഷണത്തിൽ നിന്നുള്ള ഗന്ധം വായുവിൽ കലരുന്നു. അതിൽ നിന്നും ദുർഗന്ധം വരും.ഫ്രിഡ്ജിൽ ഭക്ഷണം വെയ്ക്കുമ്പോൾ അവ മൂടി വെയ്ക്കാൻ പ്രത്യേകം ശ്രദ്ധിക്കണം.
content highlight: what-happens-when-you-store-food-uncovered-in-the-fridge
