അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.നിത്യജീവിതത്തിൽ നാം ധാരാളം വെളളം കുടിക്കാറുണ്ട് അതിൽ തന്നെ വിവിധ പദാർത്ഥങ്ങളും നമ്മൾ ഉപയോഗിക്കാറുണ്ട്. അതിൽ ജീരകവെളളം പലർക്കും ഇഷ്ടമുളള ഒന്നാണ്, എങ്കിലും ഇത് ഉപയോഗിക്കുന്നതിൽ ഗുണമോ, ദോഷമോ? എന്ന് അറിയാം, കറികളിലെന്ന പോലെ ജീരകം വെള്ളത്തിലിട്ട് തിളപ്പിച്ച് കുടിക്കുന്നവരും ഉണ്ട്. എന്നാൽ ദിവസവും ജീരക വെള്ളം കുടിക്കുന്നത് ശരീരത്തിൽ നിരവധി മാറ്റങ്ങളുണ്ടാക്കുമെന്ന് നിങ്ങൾക്കറിയുമോ? ജീരക വെള്ളം ഗുണമോ ദോഷമോ? ഇക്കാര്യങ്ങൾ അറിഞ്ഞോളൂ..
ശരീരഭാരം കുറയ്‌ക്കാൻ ആഗ്രഹിക്കുന്നവർക്ക് തെരഞ്ഞെടുക്കാവുന്ന ഉത്തമ പാനീയമാണ് ജീരക വെള്ളം. ദിവസവും ജീരക വെള്ളം കുടിക്കുന്നത് കൊഴുപ്പ് കുറയ്‌ക്കുകയും ദഹനം എളുപ്പത്തിലാക്കുകയും ചെയ്യുന്നു. ജീരക വെള്ളം ആന്റി- ഓക്‌സിഡന്റുകളാൽ സമ്പുഷ്ടമാണ്. പൊട്ടാസ്യം, ഇരുമ്പ്, മഗ്നീഷ്യം തുടങ്ങിയ വിറ്റാമിനുകളും ജീരകത്തിൽ അടങ്ങിയിരിക്കുന്നു. ദിവസവും രാവിലെ ജീരക വെള്ളം കുടിക്കുന്നത് നല്ലതാണെന്നാണ് ആരോഗ്യവിദഗ്ധർ പറയുന്നത്.
ശരീരഭാരം നിയന്ത്രിച്ച് നിർത്തുന്നതിന് പുറമെ പ്രതിരോധശേഷി വർദ്ധിപ്പിക്കുന്നതിനും ഇത് സഹായിക്കുന്നു. കാൻസർ പോലുള്ള രോഗങ്ങൾ വരാനുള്ള സാധ്യതകളും ജീരകം കുറയ്‌ക്കുന്നു. വയറിൽ അണുബാധയുണ്ടാക്കുന്ന ബാക്ടീരിയകളെ നശിപ്പിച്ച് മെറ്റബോളിസം മെച്ചപ്പെടുത്താനും ജീരക വെള്ളം സഹായിക്കുന്നു. എന്നാൽ അമിതമായാൽ അമൃതും വിഷം എന്ന് പറയുന്നതു പോലെയാണ് ജീരക വെള്ളത്തിന്റെ കാര്യവും. ജീരക വെള്ളം ഇടയ്‌ക്കിടെ അമിതമായി കുടിക്കുന്നത് അസിഡിറ്റിക്ക് കാരണമായേക്കാം. അതനാൽ രാവിലെ മാത്രം കുടിക്കാൻ ശ്രിക്കുക.
