ക്രിസ്തുമസിന് കേക്ക് അന്വേഷിച്ച് ഇനി ബേക്കറിയിൽ പോകേണ്ട; വീട്ടിൽ തന്നെ ബേക്ക് ചെയ്തോളൂ…| cake

ഏത്തപ്പഴം ഉണ്ടോ? സിംപിൾ കുക്കർ കേക്ക് പരീക്ഷിച്ചോളൂ

ചേരുവകൾ

• ഏത്തപ്പഴം- 2
• ഗോതമ്പു പൊടി- 1 1/2 കപ്പ്
• ബേക്കിങ് പൗഡർ- 1 ടേബിൾ സ്പൂൺ
• ബേക്കിങ് സോഡ- 1 ടേബിൾ സ്പൂൺ
• ജാതിക്ക പൊടിച്ചത്- 1/2 ടീസ്പൂൺ
• കറുവാപ്പട്ട പൊടിച്ചത്- 1/2 ടീസ്പൂൺ
• ഉപ്പ്- 1/4 ടീസ്പൂൺ
• ശർക്കര- 3/4 കപ്പ്
• വാനില എസ്സെൻസ്- 1 ടേബിൾ സ്പൂൺ
• വെജിറ്റബിൾ ഓയിൽ- 1/2 കപ്പ്
• തൈര്- 1 കപ്പ്

തയ്യാറാക്കുന്ന വിധം

• ഒരു ബൗളിൽ  ഒന്നര കപ്പ് ഗോതമ്പ് പൊടിയെടുക്കുക.
• അതിലേക്ക് ഒരു ടേബിൾസ്പൂൺ ബേക്കിങ് പൗഡറും ഒരു ടേബിൾസ്പൂൺ ബേക്കിങ് സോഡയും, അര ടീസ്പൂൺ ജാതിക്ക പൊടിച്ചതും കാൽ ടീസ്പൂൺ ഉപ്പും ചേർത്തിളക്കാം.
• അര ടീസ്പൂൺ കറുവാപ്പട്ട പൊടിച്ചതും അതിലേക്കു ചേർക്കുക.
• പൊടികൾ ചേർത്തിളക്കിയ ഗോതമ്പ് അരിച്ചെടുക്കാം.
• ഒരു ബൗളിൽ ഒരു കപ്പ് തൈരും അര കപ്പ് വെജിറ്റബിൾ എണ്ണയും ചേർത്ത് യോജിപ്പിക്കാം.
• നന്നായി പഴുത്ത രണ്ട് ഏത്തപ്പഴത്തിലേക്ക് മുക്കാൽ കപ്പ് ശർക്കര പൊടിച്ചതു ചേർത്ത് അരച്ചെടുക്കാം.
• ഇതിലേക്ക് എണ്ണ ചേർത്ത തൈര് ഒഴിക്കുക.
• ഒരു ടേബിൾസ്പൂൺ​ വാനില എസ്സെൻസ് അതിൽ ചേർത്തിളക്കാം.
• അരിച്ചെടുത്ത പൊടി കൂടി ഇതിലേക്കു ചേർത്തിളക്കി യോജിപ്പിച്ചോളൂ.
• കുക്കറിനുള്ളിൽ വയ്ക്കാൻ പറ്റിയ പാത്രത്തിലേക്ക് ഈ മിശ്രിതം മാറ്റാം.
• കുക്കറിൻ്റെ വാഷറും, വിസിലും മാറ്റിയതിനു ശേഷം അടുപ്പിൽ വച്ച് 5 മിനിറ്റ് പ്രീ ഹീറ്റ് ചെയ്യുക.
• ശേഷം അതിനുള്ളിലേക്ക് പാത്രം ഇറക്കി വയ്ക്കാം.
• കേക്ക് വെന്തതിനു ശേഷം തുറന്ന് മറ്റൊരു പാത്രത്തിലേയ്ക്കു മാറ്റാം.

content highlight: cake-without-oven-and-egg-recipe