അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ചിക്കൻ വെച്ച് കഞ്ഞി തയ്യാറാക്കിയിട്ടുണ്ടോ? കിടിലൻ സ്വാദാണ്. ഇത് എങ്ങനെ തയ്യാറാക്കാമെന്ന് നോക്കിയാലോ?
ആവശ്യമായ ചേരുവകൾ
- 1. എല്ലില്ലാത്ത ചിക്കൻ കഷ്ണം – 1 കപ്പ് ചെറിയ പീസ് ആക്കിയത്
- മഞ്ഞൾ പൊടി
- ഉപ്പ്
- 2. കുത്തരി – 1 കപ്പ് വേവിച്ചത്
- 3. സൂചി ഗോതമ്പ് – 1 കപ്പ് വേവിച്ചത്
- 4 .ചെറിയ ഉള്ളി – 1 കപ്പ്
- 5, മഞ്ഞൾ പൊടി – കാൽ സ്പൂൺ
- 6. കുരുമുളക് പൊടി – 1 സ്പൂൺ
- 7. ഉപ്പ്
- 8. ജീരക ചൊടി _ അര സ്പൂൺ
- 9. തേങ്ങാപ്പാൽ – 1 കപ്പ്
- 10. നെയ്യ് – 2 സ്പൂൺ
- 11. വേപ്പില
- 12. മല്ലിയില
- 13. മുട്ട പുഴുങ്ങിയത് – 2 എണ്ണം
തയ്യാറാക്കുന്ന വിധം
ഒന്നാമത്തെ ചേരുവകൾ എല്ലാം ചേർത്ത് വേവിക്കുക. ഒരു പാൻ അടുപ്പിൽ വെച്ച് നെയ്യ് ഒഴിക്കുക. അതിൽ ഉള്ളി, വേപ്പില ഇട്ട് വഴറ്റുക. അതിലേയ്ക്ക മഞ്ഞൾ പൊടിയും ഇടുക. ഒന്നു വഴറ്റിയതിനു ശേഷം ചിക്കൻ ഇടുക. കുരുമുളക് പൊടിയും ഇട്ട് നന്നായി വഴറ്റി മാറ്റിവെയ്ക്കുക. അതേ മാത്രത്തിൽ അരി വേവിച്ചതും ഗോതമ്പ് വേവിച്ചതും ഇട്ട് മിക്സ് ചെയ്യുക രണ്ടും തുല്യ അളവിൽ വേണം. ഇനി അതിലേക്ക് ചിക്കൻ ഇടുക. എല്ലാം നന്നായി വഴറ്റിയതിനു ശേഷം തേങ്ങാപ്പാൽ ഒഴിച്ച് ഒന്ന് ചൂടാകുമ്പോൾ ജീരകപ്പൊടിയും ഇട്ട് ഇറക്കുക. ഇനി അതിൽ കുറച്ച് ഉള്ളി നെയ്യിൽ മൂപ്പിച്ച് ഇടുക. മല്ലിയിലയും പുഴുങ്ങിയ മുട്ടയും അരിഞ്ഞിടുക. അങ്ങനെ നമ്മുടെ ചിക്കൻ കഞ്ഞി റെഡി.
