Salt can be used not only for cooking but also for many other purposes.
ഉപ്പ് സാധാരണയായി പാചകത്തിനാണ് ഉപയോഗിക്കാറ്. എന്നാല്‍ നിങ്ങള്‍ക്ക് അറിയാത്ത മറ്റ് പല കാര്യങ്ങള്‍ക്കും ഉപ്പ് നല്ലതാണ്. ഉപ്പ് ഉപയോഗിച്ച് നിങ്ങള്‍ക്ക് എന്തും വൃത്തിയാക്കാന്‍ കഴിയുമെന്നതാണ് സത്യം. ചെറുനാരങ്ങാനീരോ വിനാഗിരിയോ ഉപ്പ് മിക്‌സ് ചെയ്താല്‍ തുരുമ്പിന്റെ കറ പെട്ടെന്ന് മാറും. ആദ്യം കറ പൂര്‍ണ്ണമായും ഉണങ്ങിയതാണെന്ന് ഉറപ്പാക്കുക. നാരങ്ങ കറയ്ക്ക് മുകളില്‍ ഇത് പിഴിഞ്ഞെടുക്കുക. തുടര്‍ന്ന് ഉപ്പ് ഉപയോഗിച്ച് നാരങ്ങ നീര് മൂടുക. ഇത് അര മണിക്കൂര്‍ ഇരിക്കട്ടെ, എന്നിട്ട് ഒരു തുണി അല്ലെങ്കില്‍ സ്പോഞ്ച് ഉപയോഗിച്ച് വൃത്തിയാക്കുക. ആവശ്യമെങ്കില്‍ ഇത് കഴുകിക്കളയുക.
വിനാഗിരി ഉപയോഗിക്കുമ്പോള്‍ ആദ്യം ഉപ്പ് ഒരു സ്പൂണോ അതിലധികമോ വിനാഗിരിയുമായി കലര്‍ത്തി തുരുമ്പിന്റെ കറയില്‍ ഈ മിശ്രിതം പരത്തുക. കുറച്ച് സമയത്തിന് ശേഷം പഴയ ടൂത്ത് ബ്രഷ് ഉപയോഗിച്ച് ബ്രഷ് ചെയ്യുക. ഇതും തുരുമ്പ് ഇല്ലാതാക്കുന്നതിന് സഹായിക്കുന്നുണ്ട്. കട്ടിംഗ് ബോര്‍ഡില്‍ കുറച്ച് ഉപ്പ് വിതറി നാരങ്ങ ഉപയോഗിച്ച് തടവുക. ഏറ്റവും കഠിനമായ പാടുകള്‍ പോലും ഇല്ലാതാക്കുന്നതിന് ഇത് സഹായിക്കും.നനഞ്ഞ തുണിയില്‍ അല്പം ഉപ്പ് ഇട്ട് പാടുള്ള കപ്പുകളില്‍ തേയ്ക്കുക. ചുരുങ്ങിയ സമയത്തിനുള്ളില്‍ നിങ്ങളുടെ കപ്പുകളിലെ കറകള്‍ ഇല്ലാതാകും.
ഉപ്പ്, നാരങ്ങ എന്നിവയുടെ സംയോജനം കാല്‍സ്യം അടിഞ്ഞുകൂടുന്നതിനെതിരായി മികച്ച രീതിയില്‍ പ്രവര്‍ത്തിക്കുന്നുണ്ട്. നിങ്ങളുടെ ഷവര്‍ഹെഡിലോ കിച്ചണ്‍ സിങ്കിലോ ഇത്തരം പ്രശ്നങ്ങള്‍ ഉണ്ടെങ്കില്‍ അത് നാരങ്ങയുടെ പകുതിയില്‍ ഉപ്പ് വിതറി ഇതിന് മുകളില്‍ തടവുക. ചെമ്പില്‍ ഉപയോഗിക്കുമ്പോള്‍ ഈ രീതിക്ക് ഒരു അധിക പ്രയോജനമുണ്ട്: ഇത് നിറം മാറുന്നതിനെതിരെ സഹായിക്കുന്നുണ്ട്.
നിങ്ങളുടെ വസ്ത്രങ്ങളില്‍ വിയര്‍പ്പ് പാടുകള്‍ ഉണ്ടെങ്കില്‍ അത് പോവുന്നതിന് വേണ്ടി നമുക്ക് ഉപ്പ് ഉപയോഗിക്കാവുന്നതാണ്. അല്പം ഉപ്പും ചെറുചൂടുള്ള വെള്ളവും ഉപയോഗിച്ച് നമുക്ക് അവയെ അപ്രത്യക്ഷമാക്കാം. ഒരു ലിറ്റര്‍ ചെറുചൂടുള്ള വെള്ളത്തില്‍ നാല് ടേബിള്‍സ്പൂണ്‍ ഉപ്പ് കലര്‍ത്തി അതില്‍ വസ്ത്രം മുക്കിവയ്ക്കുക. ശേഷം ഇത് കഴുകിക്കളയുക. എല്ലാ വസ്ത്രങ്ങള്‍ക്കും ഈ പ്രതിവിധി പ്രവര്‍ത്തിക്കില്ല. സാറ്റിന്‍ പോലുള്ള ദുര്‍ബലമായ തുണിത്തരങ്ങളില്‍ നിന്ന് കറ മായുന്നില്ല.
മികച്ച ഒരു ഡ്രെയിന്‍ ക്ലീനര്‍ ആണ് ഉപ്പ് എന്നതാണ് സത്യം. ഓടകള്‍ അടഞ്ഞിരിക്കുന്നത് നിങ്ങളുടെ കിച്ചണില്‍ അസ്വസ്ഥത ഉണ്ടാക്കുന്നതാണ്. എന്നാല്‍ അതിന് പരിഹാരം കാണുന്നതിന് വേണ്ടി സിങ്കില്‍ അല്പം ഉപ്പ് ഇടുക, രണ്ട് മിനിറ്റ് ചെറുചൂടുള്ള വെള്ളത്തില്‍ നന്നായി കഴുകുക. ഇത് സിങ്കിലെ തടസ്സം മാറ്റി നിങ്ങള്‍ക്ക് മികച്ച ഫലങ്ങള്‍ നല്‍കുന്നുണ്ട്. ഇത്തരം അവസ്ഥകള്‍ക്ക് പരിഹാരം കാണുന്നതിന് മികച്ചതാണ് ഉപ്പ്.