അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.കേരളത്തിൽ ഏറെ പ്രചാരത്തിൽ ഉള്ള മധുരമുള്ള ഒരു പലഹാരമാണ് കുനാഫ. പുറംനാട്ടിൽ നിന്ന് വന്ന നമ്മുടെയെല്ലാം മനസ്സ് കീഴടക്കിയ ഈ വിഭവം എങ്ങനെയാണ് തയ്യാറാക്കുന്നത് എന്ന് നോക്കാം.
ആവശ്യമായ ചേരുവകൾ
1. കതൈഫി (കുനാഫ മാവ്) – കാൽ കിലോ
2. വെണ്ണ – മൂന്നു വലിയ സ്പൂൺ ഉരുക്കിയത്
ഓറഞ്ച് ഫുഡ് കളർ
3. പാൽ – ഒരു കപ്പ്
കോൺഫ്‌ളോർ – ഒരു വലിയ സ്പൂൺ
ക്രീം – അരക്കപ്പ്
4. ചീസ് ഗ്രേറ്റ് ചെയ്തത് – ഒരു കപ്പ്
5. പഞ്ചസാര – ഒരു കപ്പ്
6. വെള്ളം – അരക്കപ്പ്
7. നാരങ്ങാനീര് – ഒരു ചെറിയ സ്പൂൺ
8. പിസ്താഷി നുറുക്കിയത് – അലങ്കരിക്കാൻ
തയ്യാറാക്കുന്ന രീതി
ഓവൻ ഉപയോഗിച്ചാണ് കുനാഫ തയ്യാറാക്കേണ്ടത്. 1800C ൽ ഓവൻ ചൂടാക്കിയിടുക. വെണ്ണ ഉരുക്കി അതിൽ ഓറഞ്ച് കളർ ചേർത്ത് യോജിപ്പിച്ചു വെക്കുക. കുനാഫ മാവ് ഒരു പാത്രത്തിലാക്കി അതിൽ വെണ്ണ ചേർത്തു നന്നായി യോജിപ്പിക്കുക. മൂന്നാമത്തെ ചേരുവ യോജിപ്പിച്ച് അടുപ്പിൽ വെച്ചു കുറുക്കുക. ഇത് ഏകദേശം കുറുകിയ ശേഷം അടുപ്പിൽ നിന്നു മാറ്റണം. ബേക്കിങ് പാനിൽ കുനാഫയുടെ മാവിന്‍റെ പകുതി അമർത്തി വച്ച ശേഷം അതിനു മുകളിൽ പാൽ മിശ്രിതം ഒഴിച്ച് ചീസ് വിതറുക. ഇതിനു മുകളിൽ ബാക്കി മാവ് വെച്ച ശേഷം ചൂടാക്കിയിട്ടിരിക്കുന്ന ഓവനിൽ വച്ച് 20 മുതൽ 30 മിനിറ്റ് വരെ ബേക്ക് ചെയ്യണം. ഗോൾഡൻ നിറമാകുന്നതാണ് പാകം.
പഞ്ചസാര വെള്ളം ചേർത്തു ചെറുതീയിൽ വച്ചു നന്നായി തിളപ്പിച്ച ശേഷം നാരങ്ങാനീര് ചേർക്കുക. ഇത് അഞ്ചു മിനിറ്റ് അടുപ്പിൽ വച്ച് സിറപ്പാക്കി എടുക്കണം. തയാറാക്കിയ കുനാഫയിൽ സിറപ്പ് ഒഴിച്ച് പിസ്ത കൊണ്ട് അലങ്കരിച്ച് വിളമ്പാം.
