അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.നമ്മളില്‍ പലർക്കും മധുരമില്ലാത്ത ഭക്ഷണക്രമത്തെക്കുറിച്ച് ചിന്തിക്കാന്‍ കഴിയാത്തവരാണ്. എന്നാല്‍ പഞ്ചസാരയുടെ അമിതമായ ഉപയോഗം പല ആരോഗ്യപ്രശ്‌നങ്ങള്‍ക്കും കാരണമായേക്കാം. ശരീരഭാരം, പ്രമേഹം, രക്തസമ്മര്‍ദ്ദം, ഹൃദ്രോഗം തുടങ്ങിയ പ്രശ്‌നങ്ങള്‍ പഞ്ചസാരയുടെ അമിത ഉപയോഗം കാരണം ഉണ്ടാകുന്നു. ആരോഗ്യകരമായ ശരീരത്തിന് നമ്മള്‍ കഴിക്കുന്ന ഭക്ഷണങ്ങള്‍ വഹിക്കുന്ന പങ്ക് ചെറുതല്ല. എന്നാല്‍ പലപ്പോഴും നമ്മള്‍ കഴിക്കുന്ന ഭക്ഷണങ്ങള്‍ ശരീരത്തിന് ഗുണം ചെയ്യുന്നവയാകണം എന്നില്ല. അതില്‍ ഏറ്റവും വലിയ ഉദാഹരണമാണ് പഞ്ചസാര. പൊതുവെ എല്ലാവരും ഉപയോഗിക്കുന്നത് പഞ്ചസാരയാണ്. എന്നാല്‍ യഥാര്‍ത്ഥത്തില്‍ ഇതിനേക്കാള്‍ ആരോഗ്യകരമായ ഓപ്ഷനുകളിലൊന്ന് ശര്‍ക്കരയാണ്.
ശീതകാലത്തുടനീളം ഏറ്റവും പ്രചാരമുള്ളതും നിങ്ങളുടെ പൊതുവായ ആരോഗ്യത്തിനും ക്ഷേമത്തിനും നല്ലതുമായ ഭക്ഷണങ്ങളില്‍ ഒന്നാണിത്. പലപ്പോഴും പ്രകൃതിദത്ത മധുരപലഹാരമായി ഉപയോഗിക്കുന്ന ശര്‍ക്കര കനത്ത ഭക്ഷണത്തിന് ശേഷം വായ്‌നാറ്റം തടയാന്‍ ആളുകള്‍ കഴിക്കുന്നു. കാല്‍സ്യം, ഇരുമ്പ്, പ്രോട്ടീന്‍, വിറ്റാമിനുകള്‍, ധാതുക്കള്‍ എന്നിവയുള്‍പ്പെടെയുള്ള സുപ്രധാന ഘടകങ്ങളാല്‍ ഇത് സമൃദ്ധമാണ്.
പഞ്ചസാരയുടെ ശീലം ഒഴിവാക്കാനും നിങ്ങളുടെ ശരീരത്തിന്റെ പ്രവര്‍ത്തനത്തിന് ആവശ്യമായ ഘടകങ്ങള്‍ കൊണ്ട് നിറയ്ക്കാനും സഹായിക്കുന്ന ഒരു രുചികരമായ ലഘുഭക്ഷണമാണിത്. സാധാരണ പഞ്ചസാരയ്ക്ക് പകരം ശര്‍ക്കര തിരഞ്ഞെടുക്കുന്നതിന്റെ ചില അത്ഭുതകരമായ ഗുണങ്ങള്‍ എന്തൊക്കെയാണ് എന്ന് നമുക്ക് നോക്കാം. ശൈത്യകാലത്ത് ശര്‍ക്കര കഴിക്കുന്നത് നിരവധി ആരോഗ്യ ഗുണങ്ങളാണ് പ്രദാനം ചെയ്യുന്നത്.
ഒരു ആണി ശര്‍ക്കരയില്‍ നിങ്ങള്‍ക്ക് ദിവസേന ആവശ്യമായ ഇരുമ്പിന്റെ 10% ലഭിക്കും. അതിനാല്‍ തന്നെ ഇത് ഇരുമ്പിന്റെ മികച്ച ഉറവിടമാക്കുന്നു. ആരോഗ്യകരമായ രക്തകോശങ്ങള്‍ നിലനിര്‍ത്തുന്നതിനും ക്ഷീണം കുറയ്ക്കുന്നതിനും പേശികളുടെ പ്രവര്‍ത്തനം വര്‍ധിപ്പിക്കുന്നതിനും ഇരുമ്പ് അത്യാവശ്യമാണ്. പല ടോണിക്കുകളിലും ശര്‍ക്കര ഒരു സജീവ ഘടകമായി അടങ്ങിയിട്ടുണ്ട്. ഇത് വൈവിധ്യമാര്‍ന്ന ശരീര അവസ്ഥകളെ ചികിത്സിക്കാന്‍ ഉപയോഗിക്കുന്നു. ശര്‍ക്കരയില്‍ അടങ്ങിയിരിക്കുന്ന ആരോഗ്യകരമായ ധാതുക്കളും ആന്റിഓക്സിഡന്റുകളും രോഗപ്രതിരോധ ശേഷി ശക്തിപ്പെടുത്തുകയും വിട്ടുമാറാത്ത രോഗങ്ങളുടെ തുടക്കം തടയുകയും ചെയ്യുന്നു. ശര്‍ക്കരയില്‍ അടങ്ങിയിരിക്കുന്ന ആന്റിഓക്സിഡന്റുകളും ഫിനോളിക് ആസിഡുകളും ശരീരത്തിലെ ഓക്സിഡേറ്റീവ് സ്ട്രെസ് കുറയ്ക്കാന്‍ അത്യുത്തമമാണ്.
പഞ്ചസാര ഒഴിവാക്കിയാലുള്ള ആരോഗ്യ ഗുണങ്ങള്‍
രാവിലെ തുടങ്ങുന്ന ചായകുടിയിലാണ് പഞ്ചസാരയുടെ ഉപയോഗം നമ്മള്‍ ആരംഭിക്കുന്നത്. ഡയറ്റില്‍ നിന്നും പഞ്ചസാര ഒഴിവാക്കിയാല്‍ ഉറപ്പായും രക്തത്തിലെ പഞ്ചസാരയുടെ അളവ് കുറയ്ക്കാന്‍ സാധിക്കും. ഇതിലൂടെ പ്രമേഹ സാധ്യതയെ നിയന്ത്രിക്കാനും കഴിയും.
ചര്‍മത്തിന്റെ ആരോഗ്യം മെച്ചപ്പെടാനും തിളക്കവും യുവത്വം നിലനിര്‍ത്താനും പഞ്ചസാര ഒഴിവാക്കുന്നതിലൂടെ സാധിക്കും. പഞ്ചസാരയുടെ ഉപയോഗം ഒഴിവാക്കുന്നത് മാനസികാരോഗ്യം മെച്ചപ്പെടുത്താനും വളരെ നല്ലതാണ്.
ശരീരഭാരം കുറയ്ക്കാന്‍ ആഗ്രഹിക്കുന്നവരും ഡയറ്റില്‍ നിന്നും പഞ്ചസാര അടങ്ങിയ ഭക്ഷണങ്ങള്‍ ഒഴിവാക്കണം. ഇത് കലോറി ഉപഭോഗം കുറയ്ക്കാനും അമിത വണ്ണത്തെ തടയാനും ഗുണം ചെയ്യും.
പഞ്ചസാരയുടെ ഉപയോഗം ഒഴിവാക്കിയാല്‍ പല്ലിന്റെയും മോണയുടെയും ആരോഗ്യവും മെച്ചപ്പെടും. കൊളസ്‌ട്രോള്‍ കുറയ്ക്കാനും ഹൃദയാരോഗ്യം സംരക്ഷിക്കാനും പഞ്ചസാര ഒഴിവാക്കുന്നത് നല്ലതാണ്. കരളിന്റ ആരോഗ്യവും പഞ്ചസാര ഒഴിവാക്കുന്നതിലൂടെ മെച്ചപ്പെടും.
കൂടാതെ ഭക്ഷണത്തില്‍ നിന്ന് പഞ്ചസാര ഒഴിവാക്കിയാല്‍ ശരീരത്തിന്റെ ഊര്‍ജനില നിലനിര്‍ത്താനും ക്ഷീണം അകറ്റാനും സഹായിക്കും.
