അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ആലപ്പുഴയിൽ സഹോദരങ്ങളെ ആക്രമിച്ച കേസിലെ പ്രതികള്‍ പിടിയില്‍. തുമ്പോളി കല്ലുപുരയ്ക്കൽ ജോസഫിനെയും സഹോദരൻ വിപിനെയും മാരകമായി പരിക്കേൽപ്പിച്ചെന്ന കേസിൽ തുമ്പോളി വെളിയിൽ വീട്ടിൽ ആകാശ് (19), മാവുങ്കൽ വീട്ടിൽ അനൂപ് (20) എന്നിവരെയാണ് നോർത്ത് പൊലീസ് ഇൻസ്പെക്ടർ എം. കെ. രാജേഷിന്റെ നേതൃത്വത്തിൽ അറസ്റ്റുചെയ്തത്. മുൻ വൈരാഗ്യത്തെ തുടർന്നായിരുന്നു ആക്രമണമെന്ന് പൊലീസ് പറഞ്ഞു. തിങ്കളാഴ്ച പുലർച്ചെയായിരുന്നു ആലപ്പുഴയിൽ സഹോദരങ്ങൾക്ക് നേരെ പ്രതികളുടെ ആക്രമണമുണ്ടായത്. ആലപ്പുഴ നോർത്ത് പൊലീസ് അറസ്റ്റ് ചെയ്ത് കോടതിയിൽ ഹാജരാക്കിയ പ്രതികളെ ജുഡീഷ്യൽ കസ്റ്റഡിയിൽ റിമാൻഡ് ചെയ്തു.
