ഉത്തരാഖണ്ഡില്‍ നടക്കുന്ന 38 -ാമത് ദേശീയ ഗെയിംസില്‍ കളിപ്പയറ്റ് മത്സരയിനമായി ഉള്‍പ്പെടുത്തണമെന്ന് ആവശ്യപ്പെട്ട് കായിക മന്ത്രി വി അബ്ദുറഹിമാന്‍ കേന്ദ്ര കായികമന്ത്രിയ്ക്ക് കത്തയച്ചു. കഴിഞ്ഞ തവണ ഗോവയില്‍ കളരി മത്സരം ഇനമായിരുന്നു. എന്നാല്‍ ഇത്തവണ പ്രദര്‍ശന ഇനമായാണ് ഇന്ത്യന്‍ ഒളിമ്പിക് അസോസിയേഷന്‍ പുറത്തുവിട്ട പട്ടികയില്‍ ഉള്‍പ്പെടുത്തിയത്. കേരളത്തിന് കഴിഞ്ഞ തവണ കളരിയില്‍ 19 മെഡല്‍ ലഭിച്ചിരുന്നു. ലോകത്തെ തന്നെ ഏറ്റവും പാരമ്പര്യമുള്ള കായിക ഇനമാണ് കളരി. ചരിത്രപരമായ പ്രാധാന്യമുള്ള കളരി നാടിന്റെ പാരമ്പര്യത്തിന്റെ അടയാളമാണ്. യുണെസ്‌കോ പട്ടികയിലുള്ള ആയോധന കലയ്ക്ക് അര്‍ഹമായ പ്രാധാന്യം നല്‍കണമെന്ന് കത്തില്‍ മന്ത്രി അബ്ദുറഹിമാന്‍ ആവശ്യപ്പെട്ടു.
=