അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.പോഷക സമ്പുഷ്ടമായ ഒരു വെജിറ്റബിൾ ആണ് ബ്രൊക്കോളി. ഇത് ഉപയോഗിച്ച് തയ്യാറാക്കാവുന്ന ഒരു ഈസി തോരൻ റെസിപ്പി നോക്കിയാലോ? ബ്രൊക്കോളിയും മുട്ടയും വെച്ച് രുചികരമായ ഒരു തോരൻ.
ആവശ്യമായ ചേരുവകൾ
- ബ്രൊക്കോളി- 1
- മുട്ട- 3 എണ്ണം
- കടുക്- 1 ടീസ്പൂൺ
- ചുവന്നമുളക്- 2
- കറിവേപ്പില- ആവശ്യത്തിന്
- ഉപ്പ്- ആവശ്യത്തിന്
- സവാള- 1
- വെളുത്തുള്ളി- 4 അല്ലി
- വെളിച്ചെണ്ണ- ആവശ്യത്തിന്
- മഞ്ഞൾപ്പൊടി- അര ടീസ്പൂൺ
- മുളകുപൊടി- 1 ടീസ്പൂൺ
- തേങ്ങ ചിരകിയത്- ഒരു പിടി
തയ്യാറാക്കുന്ന വിധം
ബ്രൊക്കോളി പൊടിയായി അരിയുക. ഒരു മൺച്ചട്ടിയെടുത്ത് അടുപ്പിൽ വച്ച് ചൂടാക്കി വെളിച്ചെണ്ണയൊഴിച്ച് മൂപ്പിക്കുക. ശേഷം കടുക്, കറിവേപ്പില, ചുവന്നമുളക്, വെളുത്തുള്ളി, സവാള അരിഞ്ഞത് എന്നിവയിട്ട് നന്നായി വഴറ്റുക. ഇതിലേക്ക് ബ്രൊക്കോളി ചേർക്കുക. ശേഷം ഉപ്പും മഞ്ഞൾപ്പൊടിയും മുളകുപൊടിയും ചേർക്കുക. തേങ്ങ ചിരകിയതും ചേർത്ത് നന്നായി ഇളക്കി മൂടിവയ്ക്കുക. ഒന്നു വെന്തു കഴിയുമ്പോൾ മുട്ട പൊട്ടിച്ച് ഒഴിച്ച് ചിക്കിയെടുക്കാം. സ്വാദിഷ്ടമായ ബ്രൊക്കോളി- മുട്ട തോരൻ റെഡി.
