ന്യൂയോര്‍ക്ക്: അമേരിക്കൻ മുൻ പ്രസിഡൻറ് ബറാക് ഒബാമ 2024ലെ ഇഷ്ടപ്പെട്ട ചിത്രങ്ങളുടെ ലിസ്റ്റ് പുറത്തുവിട്ടു. ഇതിൽ ഒന്നാം സ്ഥാനത്തുള്ള ചിത്രം മലയാളികൾക്ക് കൂടി അഭിമാനിക്കാവുന്നതാണ്. പട്ടികയിൽ ആദ്യ സ്ഥാനത്ത് ഇടം പിടിച്ചിരിക്കുന്നത് കാനിൽ ഗ്രാൻഡ് പ്രീപുരസ്കാരം നേടിയ ‘ ഓൾ വി ഇമാജിൻ ആസ് ലൈറ്റ് ‘ എന്ന ചിത്രമാണ്. മലയാളികളായ കനി കുസൃതിയും ദിവ്യ പ്രഭയും ഈ ചിത്രത്തിൽ പ്രധാന വേഷത്തിൽ എത്തിയിരുന്നു. ഗോൾഡൻ ഗ്ലോബ് നോമിനേഷൻ അടക്കം ഈ ചിത്രം നേടി. പായൽ കപാഡിയ ആണ് ചിത്രത്തിൻറെ സംവിധായക.
ഒബാമയുടെ ഏറ്റവും ഇഷ്ടപ്പെട്ട ചിത്രങ്ങളുടെ ലിസ്റ്റ് ഇങ്ങനെയാണ്.
1. ‘ഓള്‍ വി ഇമാജിന്‍ ആസ് ലൈറ്റ്’ – ഈ ചിത്രത്തിന്‍റെ റിവ്യൂ വായിക്കാം
2. കോണ്‍ ക്ലെവ് – ഈ ചിത്രത്തിന്‍റ റിവ്യൂ വായിക്കാം
3. ദ പിയാനോ ലെസണ്‍
4. ദ പ്രൊമിസിഡ് ലാന്‍റ്
5. ദ സീഡ് ഓഫ് ദ സെക്രട്ട് ഫിഗ്
6. ഡ്യൂണ്‍ പാര്‍ട്ട് 2
7. അനോറ – റിവ്യൂ വായിക്കാം
8. ദിദി
9. ഷുഗര്‍ കെയിന്‍
10. ദ കംപ്ലീറ്റ് അണ്‍നോണ്‍
ഇന്തോ-ഫ്രഞ്ച് സംയുക്ത നിർമാണ സംരംഭമാണ് ഓൾ വീ ഇമാജിൻ ആസ് ലൈറ്റ്. പ്രഭ എന്ന നഴ്സിന്റെ ജീവിതമാണ് ചിത്രത്തിന്‍റെ പ്രതിപാദ്യ വിഷയം. മലയാള നടിമാരായ കനി കുസൃതി, ദിവ്യ പ്രഭ എന്നിവര്‍ക്ക് പുറമേ ഹൃദു ഹാറൂണ്‍, അസീസ് നെടുമങ്ങാട്, ഛായ ഖദം എന്നിവരും പ്രധാന വേഷത്തില്‍ എത്തിയിരുന്നു,. ചിത്രത്തിൽ മുഖ്യവേഷത്തിൽ. കാൻ ഫെസ്റ്റിവലിൽ ഗ്രാന്റ് പ്രിക്സ് പുരസ്കാരമാണ് ചിത്രത്തിന് ലഭിച്ചത്.
അതേ സമയം ഗോള്‍ഡന്‍ ഗ്ലോബില്‍ രണ്ടു നോമിനേഷനുകള്‍ നേടി ചരിത്രം കുറിച്ചിട്ടുണ്ട് ചിത്രം. മികച്ച സംവിധാനത്തിന് പായല്‍ കപാഡിയക്ക് നോമിനേഷന്‍ ലഭിച്ചു. സംവിധാനത്തിന് ആദ്യമായാണ് ഒരിന്ത്യയിൽനിന്നുള്ള ഒരാൾക്ക് ഗോള്‍ഡന്‍ ഗ്ലോബ് നോമിനേഷന്‍ ലഭിക്കുന്നത്. മികച്ച ഇംഗ്ലീഷിതര ഭാഷാ ചിത്രത്തിനും നാമനിർദേശം ചെയ്യപ്പെട്ടു. 82-ാമത് ഗോള്‍ഡന്‍ ഗ്ലോബിനുള്ള നോമിനേഷനുകള്‍ തിങ്കളാഴ്ചയാണ് പ്രഖ്യാപിച്ചത്.
ലോകമെമ്പാടും നിരൂപക പ്രശംസ നേടിയ ഈ ചിത്രം, ടെല്ലുരൈഡ് ഫിലിം ഫെസ്റ്റിവൽ, ടൊറന്റോ ഇന്റർനാഷണൽ ഫിലിം ഫെസ്റ്റിവൽ, ന്യൂയോർക്ക് ഫിലിം ഫെസ്റ്റിവൽ, സാൻ സെബാസ്റ്റ്യൻ ഫിലിം ഫെസ്റ്റിവൽ തുടങ്ങിയ പ്രശസ്ത ചലച്ചിത്രോത്സവങ്ങളിൽ പ്രദർശിപ്പിച്ചിട്ടുണ്ട്.
content highlight: obamas-favourite-films-of-2024