അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.സ്വാദിഷ്ടമായ ഒരു മട്ടൻ റെസിപ്പി നോക്കിയാലോ? വളരെ എളുപ്പത്തി രുചികരമായി മട്ടൻ ഫ്രൈ എങ്ങനെ തയ്യാറാക്കാമെന്ന് നോക്കാം.
ആവശ്യമായ ചേരുവകൾ
- 1)മട്ടൺ
- 2)മഞ്ഞൾപൊടി
- 3)മുളക് പൊടി
- 4)ഇഞ്ചി വെളുത്തുള്ളി അരച്ചത്
- 5)ഉപ്പ്
- 6)ഓയിൽ
- 7)ഗരം മസാല
- 8)മല്ലിയില
- 9)പച്ച മുളക്
- 10)കറിവേപ്പില
തയ്യാറാക്കുന്ന വിധം
ആദ്യം കുക്കർ തീയിൽ വെച്ച് ചൂടാക്കുക. ചൂടായ കുക്കറിലേക്ക് 3 സ്പൂൺ ഓയിലും 500 ഗ്രാം മട്ടനും അര സ്പൂൺ മഞ്ഞൾപ്പൊടിയും രണ്ടര സ്പൂൺ മുളകുപൊടിയും മൂന്നു സ്പൂൺ ഇഞ്ചി വെളുത്തുള്ളി അരച്ചതും ഒരു സ്പൂൺ ഉപ്പും ചേർത്തു 150 മില്ലി ലിറ്റർ വെള്ളവും ഒഴിച്ച് നന്നായി യോജിപ്പിച്ച് നാലു വിസിൽ വരെ അടച്ചുവെച്ച് വേവിക്കുക.
കുക്കർ തുറന്ന് അഞ്ചു മുതൽ നാലു മിനിറ്റ് വരെ തീ കൂട്ടി വെച്ച് നന്നായി മിക്സ് ചെയ്യുക. ഇനി വേറെ ഒരു പാൻ ചൂടാക്കി അതിലേക്ക് ഒരു സ്പൂൺ ഓയിൽ ഒഴിച്ച് വേവിച്ച വച്ച് മട്ടനും അതിന്റെ ഗ്രേവിയും ചേർത്ത് നന്നായി യോജിപ്പിക്കുക. ഒരു മിനിറ്റ് നന്നായി യോജിപ്പിച്ചശേഷം അതിലേക്ക് ഒരു സ്പൂൺ ഗരം മസാല ചേർത്ത് ആറു മുതൽ ഏഴു മിനിറ്റ് വരെ തീ കൂട്ടിവെച്ച് ഗ്രേവി വറ്റുന്നതുവരെ നന്നായി യോജിപ്പിക്കുക.
ഗ്രേവി മുക്കാലും ആക്കിയതിന് ശേഷം അതിലേക്ക് അരക്കപ്പ് മല്ലിയിലയും 3 സ്പൂൺ കറിവേപ്പില ചെറുതായി അരിഞ്ഞതും മൂന്ന് പച്ച മുളക് നടുവേ കീറിയതും ഇട്ട് രണ്ടു മിനിറ്റ് നന്നായി യോജിപ്പിക്കുക. രുചികരമായ മട്ടൻ ഫ്രൈ തയ്യാർ.
