രുചിയുടെ മലബാർ പെരുമ, തലശ്ശേരി സ്പെഷ്യൽ അരി കുടുക്ക ട്രൈ ചെയ്യൂ

തലശ്ശേരി സ്പെഷ്യൽ അരി കുടുക്ക
അഥവാ കല്ലുമ്മക്കായ നിറച്ചത് തയ്യാറാക്കാം.

ആവശ്യമായ ചേരുവകൾ

അരിപ്പൊടി 2 കപ്പ്
പച്ചമുളക് നാല്
ചെറിയ ഉള്ളി 15
കല്ലുമ്മക്കായ
വെള്ളം
ഉപ്പ്
പെരുംജീരകം ഒരു ടീസ്പൂൺ
തേങ്ങാ ചിരവിയത് ഒരു കപ്പ്
മഞ്ഞൾ പൊടി
ഉപ്പ്
മുളകുപൊടി
മഞ്ഞൾപ്പൊടി
എണ്ണ
വെള്ളം

തയ്യാറാക്കേണ്ട രീതി

ഒരു പാനിലേക്ക് വെള്ളം ഒഴിച്ച് തിളപ്പിക്കുക. കുറച്ചു വെളിച്ചെണ്ണയും ഉപ്പും ചേർക്കണം. നന്നായി തിളക്കുമ്പോൾ അരിപ്പൊടി ചേർത്ത് മിക്സ് ചെയ്യുക. ചെറിയ ഉള്ളി പെരുംജീരകം പച്ചമുളക് ഇവ ചതച്ച് ചേർക്കാം. കൂടെ തേങ്ങയും ഒന്ന് ചതച്ചെടുത്ത് ചേർക്കാം. കുറച്ചു മഞ്ഞൾ പൊടി കൂടി ചേർക്കാം. ഇതെല്ലാം കൂടി നന്നായി കുഴച്ചെടുക്കുക. ഇനി ചെറിയ ഉരുളകളാക്കി കല്ലുമ്മക്കായയിൽ നിറയ്ക്കുക. ഇങ്ങനെ ചെയ്തെടുത്തത് ആവിയിൽ വെച്ച് നന്നായി വേവിച്ചെടുക്കാം. ശേഷം കല്ലുമ്മക്കായ തോടിൽ നിന്നും മാറ്റാം. ഒരു പാത്രത്തിൽ മുളകുപൊടി മഞ്ഞൾപ്പൊടി ഉപ്പ് വെള്ളം ഇവ മിക്സ് ചെയ്ത് ഈ മസാല വേവിച്ചെടുത്ത അരി കുടുക്കയിൽ തേച്ചുപിടിപ്പിക്കുക. ഇനി ഇത് ഫ്രൈ ചെയ്തെടുക്കാം.