മുട്ട വെച്ച് ഒരു കിടിലൻ റെസിപ്പി തയ്യാറാക്കിയാലോ? നല്ല ഉഗ്രൻ സ്വാദിലൊരു ചില്ലി എഗ്ഗ് തയ്യാറാക്കാം. ഇത് എങ്ങനെ തയ്യാറാക്കാമെന്ന് നോക്കിയാലോ?
ആവശ്യമായ ചേരുവകൾ
തയ്യാറാക്കുന്ന വിധം
ആദ്യം എടുത്ത് വെച്ചിരിക്കുന്ന മുട്ട പുഴുങ്ങി എടുക്കുക. പുഴുങ്ങി എടുത്ത ശേഷം ഓരോ മുട്ടയും നെടുകെ കീറി രണ്ട് ആക്കുക. അടുത്തതായി ഈ മുട്ട വറുത്തെടുക്കുവാന്‍ വേണ്ട മസാല തയ്യാറാക്കുക. ഇതിനായി 2 ടേബിൾസ്പൂൺ മുളക് പൊടി, ½ ടേബിൾസ്പൂൺ മഞ്ഞള്‍ പൊടി, 1 ടേബിള്‍ സ്പൂണ്‍ മൈദ മാവ്,1 ടേബിള്‍ സ്പൂണ്‍ കോണ്‍ ഫ്ളവര്, ആവശ്യത്തിന് ഉപ്പ് എന്നിവ ചേര്‍ത്ത് മസാല തയ്യാറാക്കി, വേവിച്ചു വെച്ചിരിക്കുന്ന മുട്ടയില്‍ നല്ലത് പോലെ തേച്ചു പിടിപ്പിക്കുക.
15 മിനുട്ട് മസാല തേച്ചു വെച്ചതിനു ശേഷം, ഒരു പാന്‍ എടുത്ത്, ആവശ്യത്തിന് എണ്ണ ഒഴിച്ച് ചൂടാക്കുക. എണ്ണ ചൂടായതിന് ശേഷം മസാല പുരട്ടി വെച്ചിരിക്കുന്ന മുട്ട എണ്ണയിലേക്ക് ഇട്ട് വറുത്തു എടുക്കുക. അടുത്തതായി ചില്ലിയ്ക്ക് ഉള്ള മസാല കൂട്ട് തയ്യാറാക്കാം. ഇതിനായി 3 ടേബിള്‍ സ്പൂണ്‍ മൈദ, 3 ടേബിള്‍ സ്പൂണ്‍ കോണ്‍ ഫ്ളവര്, 2 ടേബിൾസ്പൂൺ മുളക് പൊടി, 2 ടേബിള്‍ സ്പൂണ്‍ ടൊമാറ്റോ സോസ്, 1ടേബിൾസ്പൂൺ സോയ സോസ്, ആവശ്യത്തിന് വെള്ളം എന്നിവ ചേര്‍ത്ത് ഒരു ലൂസ് മസാല കൂട്ട് തയ്യാറാക്കുക.
ശേഷം ഒരു പാന്‍ എടുത്ത് അടുപ്പില്‍ വെച്ച് 2 ടേബിൾസ്പൂൺ എണ്ണ ഒഴിക്കുക. എണ്ണ ചൂടായി വരുമ്പോള്‍ അതിലേക്ക് ചതയ്ച്ചു വെച്ചിരിക്കുന്ന ഇഞ്ചി, വെളുത്തുള്ളി എന്നിവ ചേര്‍ത്ത് മൂപ്പിക്കുക. ഇവയുടെ പച്ച മണം ഒന്ന് മാറി വരുമ്പോള്‍, അരിഞ്ഞു വെച്ചിരിക്കുന്ന സവാള കൂടി ഇതിലേക്കിട്ട് ഒന്ന് വാട്ടിയെടുക്കുക. സവാള ഒന്ന് വാടി വന്നതിനു ശേഷം അരിഞ്ഞു വെച്ചിരിക്കുന്ന ക്യാപ്സിക്കം കൂടി ഇതിലേക്ക് ഇട്ട് ആവശ്യത്തിന് ഉപ്പും ചേര്‍ത്ത് ഇളക്കുക. ശേഷം ഇതിലേക്കു നേരത്തെ തയ്യാര്‍ ആക്കി വെച്ചിരിക്കുന്ന മസാല കൂട്ട് കൂടി ചേര്‍ത്ത് അടച്ചു വെച്ച് 5 മിനുട്ട് വേവിക്കുക.
5 മിനിറ്റിന് ശേഷം വറുത്തു വെച്ചിരിക്കുന്ന മുട്ട കൂടി ഈ കൂട്ടിലേക്ക് ചേര്‍ത്ത് കൊടുക്കുക. നന്നായി ഇളക്കി യോജിപ്പിക്കുക. ശേഷം 1ടേബിൾസ്പൂൺ കുരുമുളക് പൊടി കൂടി വിതറി, 5 മിനുട്ട് കൂടി താഴ്ന്ന തീയില്‍ വേവിച്ചു എടുക്കുക. കൊതിയൂറും ചില്ലി എഗ്ഗ് തയ്യാര്‍.