അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.പുതുവർഷത്തിൽ ടിക്കറ്റഅ നിരക്കിൽ ഓഫറുകൾ പ്രഖ്യാപിച്ചിരിക്കുകയാണ് എയർ ലൈനുകൾ. ആകാശ എയറിൻ്റെ ന്യൂ ഇയർ സ്‌പെഷ്യൽ ഓഫറുകൾ ആരംഭിച്ചു. അന്തർദേശീയ ആഭ്യന്തര റൂട്ടുകളിൽ കിഴിവുകൾ ലഭ്യമാക്കിയാണ് പ്രത്യേക ഓഫർ നിരക്ക്. വിമാന ടിക്കറ്റുകൾക്ക് 1000 രൂപ മുതൽ ടിക്കറ്റ് നിരക്ക് ലഭ്യമാണ്. പുതുവർഷത്തിന്റെ ഭാഗമായുള്ള പ്രത്യേക വിൽപ്പനയോട് അനുബന്ധിച്ച് നികുതി ഉൾപ്പെടെ 1,599 രൂപ മുതൽ നിരക്കിൽ ടിക്കറ്റുകൾ ലഭ്യമാണ് . ബസുകളേക്കാളും ട്രെയിനുകളേക്കാളും കുറഞ്ഞ നിരക്കിൽ ഫ്ലൈറ്റ് ടിക്കറ്റ് ലഭ്യമാണ് എന്നാണ് ആകർഷണം. ‘NEWYEAR’ എന്ന പ്രത്യേക പ്രൊമോ കോഡ് നൽകി അന്താരാഷ്ട്ര റൂട്ടുകളിലും 25 ശതമാനം വരെ ഓഫറിൽ കിഴിവ് ലഭ്യമാക്കാം.
ആകാശ എയറിൻ്റെ മിക്ക വിമാനങ്ങളിലും യുഎസ്ബി പോർട്ടുകൾ ലഭ്യമാണ്. യാത്രാ മദ്ധ്യേ ഫോൺ ചാർജ് ചെയ്യാം. ഭക്ഷണ ഓപ്ഷനുകളും യാത്രക്കാർക്ക് ലഭിക്കും. വളർത്തുമൃഗങ്ങൾക്കൊപ്പം യാത്ര ചെയ്യാൻ ആകുമെന്നതാണ് മറ്റൊരു ആകർഷണം. ഓഫർ ഇതിനകം തന്നെ ആരംഭിച്ച് കഴിഞ്ഞു. 2024 ഡിസംബർ 31 മുതൽ 2025 ജനുവരി മുന്നു വരെയുള്ള ബുക്കിംഗുകൾക്കാണ് ഓഫർ ലഭിക്കുന്നത്. ആകാശ എയർ നെറ്റ്‌വർക്കിലെ എല്ലാ റൂട്ടുകളിലും ഓഫർ ലഭിക്കും. ആകാശ എയർ വെബ്‌സൈറ്റ്, അതിൻ്റെ മൊബൈൽ ആപ്പ് എന്നിവ വഴി ടിക്കറ്റ് ബുക്ക് ചെയ്യാനാകും. മറ്റു കിഴിവുകളും ലഭ്യമാണ്. കാഴ്ച പരിമിതി ഉള്ളവർക്കായി ബ്രെയിൽ ലിപിയിലുള്ള സുരക്ഷാ നിർദ്ദേശ കാർഡും ഓൺബോർഡ് മെനു കാർഡും ആകാശ എയർ അവതരിപ്പിച്ചിട്ടുണ്ട്.
