അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.വിളറിയ ചർമ്മവും ഇരുമ്പിന്റെ കുറവിന്റെ ലക്ഷണമാകാം. രക്തപരിശോധന നടത്തുന്നത് ഇരുമ്പിന്റെ കുറവുണ്ടോ എന്ന് തിരിച്ചറിയാൻ സഹായിക്കും. ഇരുമ്പ് അടങ്ങിയ ഭക്ഷണങ്ങൾ കഴിക്കുന്നത് വിളർച്ച തടയാൻ സഹായിക്കും. ഇലക്കറികൾ, ധാന്യങ്ങൾ, ആപ്രിക്കോട്ട്, പ്ളം, ഉണക്കമുന്തിരി, ബീൻസ്, കടല, പയർ തുടങ്ങിയവ ധാരാളം കഴിക്കാൻ ആരോഗ്യ വിദഗ്ധർ നിർദേശിക്കുന്നു.
ദേശീയ ആരോഗ്യ പോഷകാഹാര പരീക്ഷാ സർവേയുടെ ഭാഗമായ 12 മുതൽ 21 വരെ പ്രായമുള്ള 3,500 സ്ത്രീകളുടെ ഇരുമ്പിന്റെ അളവ് പരിശോധിച്ചു. അമേരിക്കൻ മെഡിക്കൽ അസോസിയേഷൻ ജേണലിൽ പഠനത്തിന്റെ കണ്ടെത്തലുകൾ പ്രസിദ്ധീകരിച്ചിട്ടുണ്ട്. രാജ്യത്തുടനീളമുള്ള മുതിർന്നവരുടെയും കുട്ടികളുടെയും ആരോഗ്യനില നിരീക്ഷിക്കുന്നതിനായാണ് ഈ പഠനം നടത്തിയത്. ആ ഗ്രൂപ്പിൽ പങ്കെടുത്തവരിൽ 40% പേർക്കും ഇരുമ്പിന്റെ കുറവുണ്ടെന്ന് ഗവേഷകർ കണ്ടെത്തി.
തലച്ചോറിലെ മൂടൽമഞ്ഞ് (ബ്രെയിൻ ഫോഗ്), ക്ഷീണം, തലകറക്കം, ശ്വാസതടസ്സം എന്നിവ ഇരുമ്പിന്റെ കുറവ് മൂലം ഉണ്ടാകുന്ന ലക്ഷണങ്ങളാണെന്ന് പഠനത്തിൽ പറയുന്നു.
ശരീരത്തിന്റെ ശരിയായ പ്രവർത്തനത്തിന് പ്രധാനപ്പെട്ട ഒന്നാണ് ഇരുമ്പ്. ശരീരത്തിലുടനീളം ഓക്സിജൻ വഹിക്കുന്ന ചുവന്ന രക്താണുക്കളിൽ കാണപ്പെടുന്ന ഹീമോഗ്ലോബിന്റെ ഒരു പ്രധാന ഘടകമാണിത്. ആർത്തവ സമയത്ത് സ്ത്രീകൾക്ക് രക്തത്തിലൂടെ ഇരുമ്പ് നഷ്ടപ്പെടും.
വളരുന്ന ഗർഭപിണ്ഡത്തെ പിന്തുണയ്ക്കുന്നതിനും അമ്മയുടെ രക്തത്തിന്റെ അളവ് വർദ്ധിപ്പിക്കുന്നതിനും ഗർഭകാലത്ത് ഇരുമ്പിന്റെ ആവശ്യകത വർദ്ധിക്കുന്നു. സ്ത്രീകൾ, കുട്ടികൾ എന്നിവരിലാണ് ഇരുമ്പിന്റെ കുറവ് ഉണ്ടാകാനുള്ള സാദ്ധ്യത കൂടുതലെന്ന് വിവിധ പഠനങ്ങൾ സൂചിപ്പിക്കുന്നു.
ശരിയായ അളവിൽ ഇരുമ്പ് ശരീരത്തിൽ എത്തിയില്ലെങ്കിൽ അത് പല ആരോഗ്യപ്രശ്‌നങ്ങളിലേക്കും നയിച്ചേക്കാം. ശരീരത്തിൽ ആവശ്യത്തിന് ചുവന്ന രക്താണുക്കൾ ഇല്ലാതിരിക്കുമ്പോഴാണ് ഇരുമ്പിന്റെ കുറവ് ഉണ്ടാകുന്നത്.
ഇരുമ്പിന്റെ കുറവ് പരിഹരിക്കാൻ ഇതാ ചില മാർഗങ്ങൾ…
ഒന്ന്…
കോഴി, ബീൻസ്, പയർ, ചീര, ബ്രൊക്കോളി, ധാന്യങ്ങൾ എന്നിവയിൽ ഇരുമ്പ് ധാരാളമായി അടങ്ങിയിട്ടുണ്ട്. ഇരുമ്പ് അടങ്ങിയ ഭക്ഷണങ്ങൾ വിറ്റാമിൻ സി അടങ്ങിയ ഭക്ഷണങ്ങളോ പാനീയങ്ങളോ കഴിക്കുന്നത് ഇരുമ്പിന്റെ ആഗിരണം വർദ്ധിപ്പിക്കും.
രണ്ട്…
അയൺ, വിറ്റാമിൻ സി, കാത്സ്യം തുടങ്ങിയ പോഷകങ്ങൾ അടങ്ങിയതാണ് നെല്ലിക്ക. ധാരാളം ഇരുമ്പ് അടങ്ങിയിട്ടുള്ളതിനാൽ വിളർച്ച തടയാൻ ഇവ ഡയറ്റിൽ ഉൾപ്പെടുത്താം.
മൂന്ന്…
മാതളം ആണ് മറ്റൊരു ഭക്ഷണം. കാത്സ്യം, ഇരുമ്പ്, അന്നജം, നാരുകൾ എന്നിവ ഇതിൽ ധാരാളമായി അടങ്ങിയിട്ടുണ്ട്. മാതളത്തിൽ അടങ്ങിയിരിക്കുന്ന വിറ്റാമിൻ സി ശരീരത്തിലെ ഇരുമ്പിൻറെ ആഗിരണം വർധിപ്പിച്ച് വിളർച്ച തടയുന്നു.
നാല്…
ദിവസവും ചെറിയ അളവിൽ ശർക്കര ഭക്ഷണത്തിൽ ഉൾപ്പെടുത്തുന്നത് അയണിന്റെ അഭാവം ഇല്ലാതാക്കും. ഒരു നേരം ശർക്കര കഴിച്ചാൽതന്നെ ഒരു ദിവസം ശരീരത്തിനാവശ്യമായ ഇരുമ്പ് ലഭിക്കും. പഞ്ചസാരയ്ക്കു പകരം ശർക്കര ഭക്ഷണത്തിൽ ഉൾപ്പെടുത്തുന്നത് ആരോഗ്യകരമാണ്.
അഞ്ച്…
ഉണക്കമുന്തിരി പ്രത്യേകിച്ചും കോപ്പർ, മറ്റ് വൈറ്റമിനുകൾ എന്നിവയും ഉണക്കമുന്തിരിയിൽ ധാരാളമുണ്ട്. ഇവ രക്തകോശങ്ങളുടെ നിർമാണത്തിന് അവശ്യം വേണ്ടവയുമാണ്.
content highlight: iron-rich-foods-to-add-to-your-diet
