അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.23ാംമത് കേരള ഗവര്ണറായി ഗവർണറായി രാജേന്ദ്ര വിശ്വനാഥ് ആർലേക്കർ സത്യപ്രതിജ്ഞ ചെയ്ത അധികാരമേറ്റു. രാജ്ഭവനില് രാവിലെ പത്തരയ്ക്ക് നടന്ന ചടങ്ങില് ഹൈക്കോടതി ചീഫ് ജസ്റ്റീസ് നിതിൻ മധുകർ ജാംദാർ സത്യവാചകം ചൊല്ലികൊടുത്തു. മുഖ്യമന്ത്രിയും മന്ത്രിമാരും ചീഫ് സെക്രട്ടറിയും ചടങ്ങിൽ പങ്കെടുത്തു.
മുണ്ടും ഷർട്ടും വേഷ്ടിയും ധരിച്ച് കേരളീയ തനിമയിലാണ് ഗവർണർ സത്യപ്രതിജ്ഞ ചെയ്യാൻ എത്തിയത്. രാജേന്ദ്ര വിശ്വനാഥ് ആർലേക്കർക്കൊപ്പം ഭാര്യ അനഘ ആർലേക്കറും ഉണ്ടായിരുന്നു. സത്യാപ്രതിജ്ഞാ ചടങ്ങിന് ശേഷം പ്രതിപക്ഷ നേതാവ് വിഡി സതീശന്, മന്ത്രിമാര്, എംപിമാര്, എംഎല്എമാര് തുടങ്ങിയവര് പുതിയ ഗവര്ണറെ അഭിനന്ദിച്ചു. ബംഗാള് ഗവര്ണര് സിവി ആനന്ദബോസും ഗവര്ണറുടെ സത്യാപ്രതിജ്ഞാ ചടങ്ങിന് എത്തിയിരുന്നു.
സത്യപ്രതിജ്ഞക്ക് മുന്പ് നിയുക്ത ഗവര്ണര്ക്ക് പൊലീസ് ഗാര്ഡ് ഓഫ് ഓണര് നല്കി. സത്യപ്രതിജ്ഞക്ക് ശേഷം ചായ സല്ക്കാരം ഉണ്ടാകും. കഴിഞ്ഞദിവസം വൈകിട്ടോടുകൂടിയാണ് ആര്ലേക്കര്
കേരളത്തില് എത്തിയത്.
ഗോവ നിയമസഭാ മുന് സ്പീക്കറായിരുന്നു രാജേന്ദ്ര വിശ്വനാഥ് ആർലേക്കർ. ബിഹാര് ഗവര്ണറായി പ്രവര്ത്തിച്ച് വരികയായിരുന്നു. ഹിമാചല് പ്രദേശ് ഗവര്ണറായും സ്ഥാനം വഹിച്ചിട്ടുണ്ട്. ചെറുപ്പം മുതല് ആര്എസ്എസ് പ്രവര്ത്തകനായിരുന്നു ആർലേക്കർ. പാര്ട്ടിയില് വിവിധ സ്ഥാനങ്ങളും വഹിച്ചിട്ടുണ്ട്. 1980കളില് തന്നെ ഗോവ ബിജെപിയിൽ സജീവ സാന്നിധ്യമായിരുന്നു.
