അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.വനംമന്ത്രി എ.കെ.ശശീന്ദ്രനും സര്‍ക്കാരിനുമെതിരെ രൂക്ഷവിമർശനം ഉന്നയിക്കുകയാണ് പി.വി.അൻവർ എംഎൽഎ. വളരെ അപകടകരമായ ബിൽ ആണ് വനനിയമ ഭേദഗതിയെന്ന് അൻവർ. ബില്ല് തടയേണ്ട കേരള ഗവൺമെൻ്റ് ഒന്നും ചെയ്യുന്നില്ലെന്നും വനം വകുപ്പ് ഉദ്യോഗസ്ഥർ ഒഫീഷ്യൽ ഗുണ്ടകളായി മാറുമെന്നും പിവി അൻവർ പറഞ്ഞു. മനുഷ്യരെ കുടിയിറക്കാൻ അന്താരാഷ്ട്ര ലോബി ഗൂഢാലോചന നടക്കുന്നു. മാഫിയാ തലവന്റെ രൂപത്തിലാണ് വനംമന്ത്രിയെന്നും അൻവർ കുറ്റപ്പെടുത്തി. ജനങ്ങള്‍ക്കുവേണ്ടി ഒരു ചുക്കും ചെയ്യാത്ത വനംമന്ത്രിയെ മാറ്റാത്തത് ക്രൈസ്തവ സഭാംഗമായ തോമസ് കെ.തോമസ് വനം മന്ത്രിയായാല്‍ വനംനിയമ ഭേദഗതി ബില്ലില്‍ ഒപ്പിടില്ലെന്ന് അറിയാവുന്നതുകൊണ്ടാണെന്ന് അദ്ദേഹം വാര്‍ത്താ സമ്മേളനത്തില്‍ ആരോപിച്ചു.
വനം വകുപ്പിന് അമിതാധികാരം നൽകുന്ന ബില്ലാണ് വനനിയമ ഭേദഗതിയെന്ന് പിവി അൻവർ. വനം വകുപ്പ് ഉദ്യോഗസ്ഥർ സാമൂഹ്യദ്രോഹികളായി മാറി കൊണ്ടിരിക്കുകയാണെന്നും പ്രതിപക്ഷം ഇടപെടണമെന്നും പിവി അൻവർ ആവശ്യപ്പെട്ടു. ബില്ലിനെ മന്ത്രി റോഷി അഗസ്റ്റിൻ എതിർകാത്തത് എന്തുകൊണ്ടാണെന്ന് അൻവർ ചോദിച്ചു. വനം മന്ത്രിയ്ക്കെതിരെ പിവി അൻവർ രൂക്ഷ വിമർശനം ഉന്നയിച്ചു. മണി മരിച്ചിട്ട് തിരിഞ്ഞു എ.കെ.ശശീന്ദ്രൻ നോക്കിയില്ലെന്നും അദ്ദേഹം പറഞ്ഞു.
2026 ൽ യുഡിഎഫ് അധികാരത്തിൽ വരണം. ഈ വിഷയത്തിന് പരിഹാരമുണ്ടാകണം. എല്ലാ യുഡിഎഫ് നേതാക്കളെയും കാണുമെന്ന് പി.വി.അൻവർ വ്യക്തമാക്കി. ആദിവാസി, ദളിത് മേഖലയിൽ യുഡിഎഫ് ശ്രദ്ധ കേന്ദ്രീകരിക്കണം. എൽഡിഎഫ് സർക്കാർ അവരെ തിരിഞ്ഞു നോക്കുന്നില്ല. പ്രതിപക്ഷ നേതാവിനെ കാണും. പിന്തുണ നൽകിയതിന് നന്ദി പറയണം. നന്ദികേട് താൻ കാണിക്കില്ല. തന്റെ സാന്നിധ്യം ആവശ്യമുണ്ടോയെന്ന് യുഡിഎഫ് ഇനി തീരുമാനിക്കട്ടെയെന്നും പി.വി.അൻവർ പറഞ്ഞു.
