അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.ഒരു വ്യായാമവുമില്ലാതെ അമിതവണ്ണമോ കുടവയറോ കുറയ്ക്കാനാകില്ല. ദിവസവും വീടിനുള്ളില് എങ്കിലും നടക്കാന് ശ്രമിക്കുക. കുറഞ്ഞത് അര മണിക്കൂറെങ്കിലും ദിവസവും ഇത്തരത്തില് വ്യായാമം ചെയ്യുന്നത് വയറിന് ചുറ്റുമുള്ള കൊഴുപ്പ് അടിഞ്ഞുകൂടുന്നത് തടയാന് സാധിക്കും.
പ്രോട്ടീന് ധാരാളം അടങ്ങിയ ഭക്ഷണങ്ങള് ഡയറ്റില് ഉള്പ്പെടുത്താം. ഇവ വിശപ്പിനെ നിയന്ത്രിക്കുകയും വ്യായാമം ചെയ്യാനുള്ള ഊര്ജം നല്കുകയും ചെയ്യും. ഇതിനായി മുട്ടയുടെ വെള്ള, ചീര, മഷ്റൂം, പനീര്, സോയ തുടങ്ങിയ ഭക്ഷണങ്ങളില് പ്രോട്ടീന് ധാരാളമായി അടങ്ങിയിട്ടുണ്ട്.
കലോറിയും കാര്ബോഹൈഡ്രേറ്റും വളരെ കുറഞ്ഞ ഭക്ഷണങ്ങള് ഡയറ്റില് ഉള്പ്പെടുത്താം. കലോറി കുറഞ്ഞ പഴങ്ങളും പച്ചക്കറികളും ധാന്യങ്ങളും അടങ്ങിയ ആരോഗ്യകരമായ ഭക്ഷണങ്ങള് കഴിക്കാം. ഒപ്പം ഫൈബര് അടങ്ങിയ ഭക്ഷണങ്ങളും കഴിക്കാം. നാരുകള് അടങ്ങിയ ഭക്ഷണങ്ങള് വിശപ്പ് കുറയ്ക്കാന് സഹായിക്കും. അതുവഴി ശരീരഭാരത്തെയും നിയന്ത്രിക്കാം.
പഞ്ചസാരയുടെ അമിത ഉപയോഗവും കുറയ്ക്കുക. ഉയര്ന്ന തോതില് മധുരം ശരീരത്തിലെത്തുന്നത് വയറില് കൊഴുപ്പ് അടിയാന് ഇടയാക്കും. അതുപോലെ തന്നെ, എണ്ണയില് വറുത്തതും പൊരിച്ചതുമായ ഭക്ഷണങ്ങളും ജങ്ക് ഫുഡും പ്രൊസസ്ഡ് ഭക്ഷണങ്ങളും ഒഴിവാക്കാം.
നാം ഭക്ഷണങ്ങളില് ഉപയോഗിക്കുന്ന മിക്ക സുഗന്ധവ്യജ്ഞനങ്ങളും വണ്ണം കുറയ്ക്കാന് സഹായിക്കുമെന്നാണ് ആരോഗ്യ വിദഗ്ധര് പറയുന്നത്. പല രോഗങ്ങളെയും ശമിപ്പിക്കാനുള്ള കഴിവ് ഇവയ്ക്കുണ്ടെന്ന് ആയൂര്വേദവും പറയുന്നു. അതിനാല് ഭക്ഷണത്തില് ഇഞ്ചി, കറുവപ്പട്ട, ഉലുവ, വെളുത്തുള്ളി, ഏലയ്ക്ക, ജീരകം, കുരുമുളക്, മഞ്ഞള് തുടങ്ങിയ സുഗന്ധവ്യജ്ഞള് ഉള്പ്പെടുത്തുക.
വെള്ളം ധാരാളം കുടിക്കാം. ഭക്ഷണം കഴിക്കുന്നതിന് മുമ്പ് വെള്ളം കുടിക്കുന്നത് വിശപ്പ് കുറയ്ക്കാന് സഹായിക്കും. വെള്ളം ധാരാളം കുടിക്കുന്നത് ആരോഗ്യത്തിനും നല്ലതാണ്.
ഉറക്കക്കുറവും ശരീരഭാരവും തമ്മില് ബന്ധമുണ്ടെന്നാണ് പഠനങ്ങള് സൂചിപ്പിക്കുന്നത്. രാത്രി ശരിയായി ഉറങ്ങിയില്ലെങ്കിലും വണ്ണം കൂടാം. ഉറക്കക്കുറവ് വിശപ്പ് വര്ധിപ്പിക്കാന് കാരണമാകും. അതിനാല് ദിവസവും രാത്രി കുറഞ്ഞത് എട്ട് മണിക്കൂര് എങ്കിലും ഉറങ്ങാന് ശ്രമിക്കുക.
വ്യായാമം ചെയ്യുമ്പോള് ഒരുപാട് കാര്യങ്ങള് ശ്രദ്ധിക്കാനുണ്ട്.
പ്രായം, ആരോഗ്യാവസ്ഥ (അസുഖങ്ങള്), ശരീരഭാരം, പോഷകക്കുറവ് എന്നിങ്ങനെ പല ഘടകങ്ങളെയും കൂടി കണക്കിലെടുത്ത് വേണം വ്യായാമം നിശ്ചയിക്കാൻ. അവരവര്ക്ക് താങ്ങാൻ സാധിക്കാത്ത അത്രയും കഠിനമായ വ്യായാമങ്ങളിലേക്ക് പോകാതിരിക്കാൻ പ്രത്യേകം കരുതല് വേണം.
ചിലര് വ്യായാമം ചെയ്യാൻ തുടങ്ങിയതിന് ശേഷം ഇടവേളയെടുത്ത് പിന്നെ വീണ്ടും വ്യായാമത്തിലേക്ക് തിരികെ വരാറുണ്ട്. പലര്ക്കും പക്ഷേ ഇങ്ങനെ ഇടവേളയെടുത്താല് പിന്നീട് തിരിച്ചുവരാൻ പേടി കാണാറുണ്ട്. പലവിധ ആശയക്കുഴപ്പങ്ങളും അലട്ടുന്നതിനാലാണ് ഇത്. ചിലരാകട്ടെ ഇടവേളയെടുത്ത ശേഷം പിന്നീട് വ്യായാമത്തിലേക്ക് തിരിച്ച് വരുമ്പോള് കൂടുതല് തീവ്രതയോടെ വര്ക്കൗട്ടിലേക്ക് തിരിയുകയും ചെയ്യാറുണ്ട്.
ഇത് തീരെ നല്ലതല്ല എന്നതാണ് ആദ്യമേ മനസിലാക്കേണ്ടത്. ഒരിടവേളയ്ക്ക് ശേഷം വര്ക്കൗട്ടിലേക്ക് വീണ്ടും കടക്കുമ്പോള് ചില കാര്യങ്ങള് നിര്ബന്ധമായും ശ്രദ്ധിക്കണം. അതല്ലെങ്കില് പോസിറ്റീവായ മാറ്റങ്ങള്ക്ക് പകരം അത് ആരോഗ്യത്തിന് നെഗറ്റീവായി വരാം.
ആദ്യം മാനസികമായ തയ്യാറെടുപ്പാണ് നടത്തേണ്ടത്. നിങ്ങളുടെ ആരോഗ്യാവസ്ഥ, എന്താണ് നിങ്ങളുടെ ലക്ഷ്യം എന്നുതുടങ്ങുന്ന കാര്യങ്ങളില് മനസിലൊരു രൂപരേഖയുണ്ടാക്കുക. ഇതിനായി മാനസികമായി ഒരുങ്ങുക.
വര്ക്കൗട്ടിലേക്ക് കടക്കുമ്പോഴാകട്ടെ വളരെ പതിയെ മാത്രമേ തുടക്കം ആകാവൂ. തീവ്രമായ വര്ക്കൗട്ടുകളിലേക്കെല്ലാം സമയമെടുത്ത് മാത്രം കടക്കുക. ശരീരത്തിന് അതിന്റെ ശീലം മാറുമ്പോള് അത് പ്രതികൂലമായി വരാതിരിക്കാനാണ് ഇങ്ങനെ ചെയ്യുന്നത്. വര്ക്കൗട്ടിന്റെ കാഠിന്യമൊക്കെ പതിയെ മാത്രം ഉയര്ത്തിക്കൊണ്ട് വരാം. ചുരുങ്ങിയ സമയം കൊണ്ട് ‘ഫിറ്റ്’ ആകാം, അതിനായി കഠിനമായി തന്നെ അധ്വാനിക്കാം എന്നെല്ലാം ഈ സമയത്ത് ചിന്ത വരാം. എന്നാല് ഈ ചിന്തകളൊക്കെ മാറ്റിവച്ച് പതിയെ മാത്രം മുന്നോട്ട് നീങ്ങുക.
വ്യായാമം ഒരിടവേളയ്ക്ക് ശേഷം ചെയ്യുമ്പോഴും ശരീരവേദനയും അസ്വസ്ഥതകളുമെല്ലാം ഉണ്ടാകാം. ഇതിനെയെല്ലാം മറികടക്കാൻ ആവശ്യമായ വിശ്രമം നിര്ബന്ധം. മതിയായ വിശ്രമമില്ലാതെ ഒരിക്കലും വ്യായാമത്തിന് മുതിരരുത്.
വലിയ ഗോളുകള് സെറ്റ് ചെയ്യാതെ, സമയമെടുത്ത് സമാധാനപൂര്വം നേടാനുള്ള ഗോളുകള് മാത്രം സെറ്റ് ചെയ്യുക. ഇത് കൃത്യമായി ട്രാക്ക് ചെയ്യുക. വ്യായാമത്തിന്റെ പേരില് ഒരു ശതമാനം പോലും സ്ട്രെസ് അനുഭവിക്കരുത്. അങ്ങനെ വന്നാല് വ്യായാമത്തിന്റെ ഗുണം പോലും ഇല്ലാതാകും. വ്യായാമത്തിനോടുള്ള താല്പര്യം നഷ്ടപ്പെടുന്നതിലേക്കും ഇത് നയിക്കും.
ഇടവേളയെടുത്ത് വീണ്ടും വ്യായാമത്തിലേക്ക് വരുമ്പോള് ചിലര്ക്ക് വീണ്ടും വീണ്ടും ഇടവേളകളെടുക്കാനുള്ള പ്രവണതയും ഉണ്ടാകും. എന്നാല് അതും നല്ലതല്ല. ഇടവേളയെടുക്കാതെ അവധി ദിനങ്ങള് മാത്രം വിട്ടുകൊടുത്ത് പതിവായി തന്നെ വര്ക്കൗട്ട് കൊണ്ടുപോകാൻ ശ്രമിക്കുക.
content highlight: things-to-care-while-starting-exercise
