അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.നോമ്പുകാലത്ത് ഒഴിച്ചുകൂടാൻ കഴിയാത്ത ഒരു സ്പെഷ്യൽ മലബാർ വിഭവം ആണ് മുട്ടമാല. എങ്ങനെയാണ് ഇത് തയ്യാറാക്കുന്നത് എന്ന് നോക്കാം.
ആവശ്യമായ ചേരുവകൾ
മുട്ട -10
പഞ്ചസാര -1 കപ്പ്
വെള്ളം -ഒരു കപ്പ്
ഏലക്കായ പൊടി
പാൽപ്പൊടി -ഒരു ടേബിൾ സ്പൂൺ
മൈദ -ഒരു ടേബിൾ സ്പൂൺ
തയ്യാറാക്കേണ്ട രീതി
മുട്ട പൊട്ടിച്ച് അതിന്റെ മഞ്ഞ കരുവും വെള്ളക്കരുവും വേർതിരിക്കുക. നന്നായി മിക്സ് ചെയ്ത ശേഷം ഒരു കുപ്പിയിൽ നിറയ്ക്കുക. കുപ്പിയുടെ മൂടിയിൽ ചെറിയ ഒരു ഹോൾ ഇടുക. ഒരു പാനിൽ പഞ്ചസാരയും വെള്ളവും എടുത്ത്
തിളപ്പിച്ച് പാനി ആക്കുക ഇതിലേക്ക് മഞ്ഞ കരു ഒഴിച്ച കുപ്പി പ്രസ് ചെയ്ത് ചുറ്റിച്ച് കൊടുക്കുക. പഞ്ചസാര പാനിയിൽ കിടന്ന് ഇത് നന്നായി തിളച്ച് വേവുമ്പോൾ ഒരു സ്പൂൺ കൊണ്ട് പതിയെ ഇളക്കി കോരി മാറ്റുക. ഈ രീതിയിൽ മുട്ടമാല തയ്യാറാക്കി എടുക്കാം. അടുത്തതായി മുട്ട സുർക്ക തയ്യാറാക്കാം. അതിനായി മുട്ടയുടെ വെള്ളക്കരുവിലേക്ക് മൈദ, പാൽപ്പൊടി, ഏലക്കായ പൊടി ഇവ ചേർത്ത് മിക്സ് ചെയ്ത് ഒരു പരന്ന പാത്രത്തിൽ ഒഴിച്ച് ആവിയിൽ വേവിക്കുക. ശേഷം പാത്രത്തിൽ നിന്നും ഇളക്കി മുകളിൽ മുട്ടമാലയിട്ട് സെർവ് ചെയ്യാം.
