കാമുകി ഇല്ലെന്ന് ഓർത്ത് ഇനി വിഷമിക്കേണ്ട. അത്തരത്തിൽ കാമുകിമാരില്ലാതെ വിഷമിക്കുന്ന ചെറുപ്പകാർക്കിതാ ഒരു സന്തോഷ വാർത്ത. കയ്യിൽ കുറച്ച് കാശുണ്ടെങ്കിൽ ഒരു കാമുകിയെ നിങ്ങൾക്കും സ്വന്തമാക്കാം. ആര്യ അവളാണ് താരം. എന്നാൽ ഇത് മനുഷ്യനല്ല. ഒരു എഐ റോബോർട്ട് ഗേൾഫ്രണ്ടിനെയാണ് കാശുണ്ടെങ്കിൽ നിങ്ങൾക്ക് കിട്ടുക. മറ്റ് റോബോട്ടുകളെ അപേക്ഷിച്ച് വൈകാരിക ഇടപെടലുകള്‍ നടത്താന്‍ സാധിക്കുന്ന തരത്തിലാണ് ഈ എ ഐ റോബോട്ട് രൂപകല്‍പ്പന ചെയ്തിരുന്നത്. ഈ പെണ്‍ റോബോട്ടിന് പല മുഖഭാവങ്ങളുമുണ്ട്.
അമേരിക്കന്‍ കമ്പനിയായ Realbotix ആണ് AI റോബോട്ട് കാമുകിയെ പുറത്തിറക്കിയത്. 150,000 ഡോളര്‍ അതായത് ഏകദേശം 1.5 കോടി രൂപയാണ് ആര്യ എന്ന റോബോട്ട് കാമുകിയുടെ വില. കൂട്ടായ്മയ്ക്കും അടുപ്പത്തിനും വേണ്ട് കമ്പനി റോബോട്ടുകളെ പ്രത്യേകമായി രൂപകല്‍പ്പന ചെയ്തിരിക്കുകയാണ്. വായുടെയും കണ്ണിന്റെയും ചലനങ്ങള്‍ സൃഷ്ടിക്കുന്നതിനായി കഴുത്ത് മുതല്‍ മുകളിലേക്ക് 17 ചെറു മോട്ടോറുകള്‍ ഉപയോഗിച്ചാണ് ആര്യ എന്ന പെണ്‍ റോബോട്ടിനെ രൂപകല്‍പ്പന ചെയ്തിരിക്കുന്നത്.
റോബോട്ടിനെ വാങ്ങുന്നവര്‍ക്ക് മുഖം, ഹെയര്‍ സ്‌റ്റൈല്‍, നിറങ്ങള്‍ എന്നിവ ഇഷ്ടാനുസരണം മാറ്റാം. കഴുത്തും തലയും മാത്രം ഉള്‍പ്പെടുന്ന പതിപ്പിന്റെ വില 10,000 ഡോളറാണ്. രണ്ടാമത്തെ ഒപ്ഷന്‍ മോഡുലാര്‍ പതിപ്പാണ്. അത് വേര്‍പെടുത്താനാവുന്നതും 150,000 ഡോളര്‍ വിലയുളളതുമാണ്. 175,000 ഡോളര്‍ വിലയുള്ള റോളിംഗ് ബേസ് ഉള്ള ഫുള്‍ സ്റ്റാന്‍ഡിംഗ് മോഡലാണ് മൂന്നാമത്തേതും ഏറ്റവും നൂതനവുമായ ഒപ്ഷന്‍.
അതിനിടെ ആര്യയുടെ ചിത്രങ്ങളും അവളുടെ മുഖഭാവങ്ങളുടെയും ഒരു വീഡിയോ സോഷ്യൽ മീഡിയയിൽ വൈറലാകുകയും ചെയ്തിരുന്നു. സാങ്കേതികവിദ്യ ഉയർച്ചയെപറ്റിയുള്ള കൗതുകവും അതേപോലെ ഭയാനമായ കാലഘട്ടത്തെപറ്റിയും ആളുകൾ വീഡിയോയ്ക്ക് കമൻ്റുകളുമായെത്തി.