ആവശ്യമായ ചേരുവകൾ
പനീര്‍ 200 ഗ്രാം
മൈദ – 250 ഗ്രാം
മീറ്റ് മസാല – 3 ടേബിള്‍ സ്പൂണ്‍
കുരുമുളകുപൊടി – 2 ടീസ്പൂണ്‍
ഇഞ്ചി -1 കഷണം
പച്ചമുളക് – 5 എണ്ണം
കാരറ്റ് – 100 ഗ്രാം
കാബേജ് – 100 ഗ്രാം
കറിവേപ്പില – 2 തണ്ട്
സവാള – 100 ഗ്രാം
ഉപ്പ് – പാകത്തിന്
തയ്യാറാക്കുന്ന രീതി
പനീര്‍ ചെറിയ കഷ്ണങ്ങളാക്കി മുറിക്കുക. മുറിച്ച കഷ്ണങ്ങള്‍ ചെറുതീയില്‍ വറത്തുകോരുക. ചേരുവകള്‍ ചെറുതായി അരിഞ്ഞ് ചെറുതീയില്‍ വെളിച്ചെണ്ണയില്‍ വഴറ്റിയെടുക്കുക. വഴറ്റിയ ചേരുവകളോടൊപ്പം പനീര്‍ കഷ്ണങ്ങളും ഇറച്ചിമസാല, കുരുമുളകുപൊടി, ഉപ്പ് എന്നിവയും ചേര്‍ത്ത് പാകത്തിന് വെള്ളം ചേര്‍ത്ത് വേവിച്ചെടുക്കുക. മൈദ പാകത്തിനുപ്പും ചേര്‍ത്ത് കുഴച്ച് ചപ്പാത്തിപോലെ പരത്തിയശേഷം വഴറ്റി തയ്യാറാക്കി വച്ചിരിക്കുന്ന കൂട്ട് ചപ്പാത്തിയില്‍ വെച്ചു മടക്കി എണ്ണയിലിട്ടു വറുത്തെടുക്കുക.