അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ഉച്ചയൂണ് തയ്യാറാക്കുമ്പോൾ കൂടെ ഒരു വെറൈറ്റി രസം കൂടെ തയ്യാറാക്കിയാലോ? വളരെ എളുപ്പത്തിൽ രുചികരമായി തയ്യാറാക്കാവുന്ന ചുട്ടവെളുത്തുള്ളി രസം. എങ്ങനെ തയ്യാറാക്കാമെന്ന് നോക്കിയാലോ?
ആവശ്യമായ ചേരുവകൾ
- ചുട്ടവെളുത്തുള്ളി രസം
- 1.വെളുത്തുള്ളി – 4-5 കുടം
- 2.മല്ലി – ഒരു വലിയ സ്പൂണ്‍
- കുരുമുളക് – ഒരു ചെറിയ സ്പൂണ്‍
- ജീരകം – ഒരു ചെറിയ സ്പൂണ്‍
- വറ്റല്‍മുളക് – മൂന്ന്
- 3.വെളിച്ചെണ്ണ – രമ്ടു വലിയ സ്പൂണ്‍
- 4.തക്കാളി – ഒന്ന്, ചെറുതായി അരിഞ്ഞത്
- 5.മഞ്ഞള്‍പ്പൊടി – അര ചെറിയ സ്പൂണ്‍
- മുളകുപൊടി – ഒരു വലിയ സ്പൂണ്‍
- ഉലുവാപ്പൊടി – അര ചെറിയ സ്പൂണ്‍
- കായംപൊടി – അര ചെറിയ സ്പൂണ്‍
- 6.വാളന്‍പുളി – ഒരു നെല്ലിക്ക വലുപ്പത്തില്‍ വെള്ളത്തില്‍ കുതിര്‍ത്ത്
- 7.വെള്ളം – പാകത്തിന്
- ഉപ്പ് – പാകത്തിന്
- 8.മല്ലിയില – ഒരു പിടി
- 9.വെളിച്ചെണ്ണ – ഒരു വലിയ സ്പൂണ്‍
- 10.കടുക് – ഒരു ചെറിയ സ്പൂണ്‍
- വറ്റല്‍മുളക് – രണ്ട്
- കറിവേപ്പില – ഒരു തണ്ട്
തയ്യാറാക്കുന്ന വിധം
വെളുത്തുള്ളി ചുട്ടെടുത്തു തൊലികളഞ്ഞു വയ്ക്കുക. രണ്ടാമത്തെ ചേരുവ പൊടിച്ചു വയ്ക്കുക. വെളിച്ചെണ്ണ ചൂടാക്കി പൊടിച്ചു വച്ചിരിക്കുന്നവ ചേര്‍ത്തു മൂപ്പിക്കുക. ഇതിലേക്കു വെളുത്തുള്ളി ചേര്‍ത്തു വഴറ്റണം. വഴന്നു വരുമ്പോള്‍ തക്കാളിയും ചേര്‍ത്തു വഴറ്റുക. തക്കാളി നന്നായി വഴന്നു വരുമ്പോള്‍ പൊടികള്‍ ചേര്‍ത്തു മുപ്പിക്കണം. ഇതിലേക്കു പുളിവെള്ളവും പാകത്തിനു വെള്ളവും ഉപ്പും ചേര്‍ത്തു തിളപ്പിക്കുക. തിളച്ചു വരുമ്പോള്‍ മല്ലിയില ചേര്‍ത്തു വീണ്ടും തിളപ്പിക്കണം. വെളിച്ചെണ്ണയില്‍ പത്താമത്തെ ചേരുവ താളിച്ച് രസത്തില്‍ ചേര്‍ത്തു വിളമ്പാം.
