അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ഡല്‍ഹി നിയമസഭാ തിരഞ്ഞെടുപ്പ് തീയതി പ്രഖ്യാപിച്ചതോടെ ഭരണകക്ഷിയായ ആം ആദ്മിയും ബിജെപിയും തമ്മിലുള്ള വാക്ക്‌പോരുകള്‍ക്ക് മൂര്‍ച്ച കൂടുന്നു. തിരഞ്ഞെടുപ്പിനോട് അനുബന്ധിച്ച് പാര്‍ട്ടികള്‍ പ്രചാരണം ശക്തമാക്കിയിട്ടുണ്ട്. ഇതിനിടയില്‍ അറ്റകുറ്റപ്പണികള്‍ നടത്താത്ത, കുഴികളുള്ള ചെളി നിറഞ്ഞ റോഡുകള്‍ കാണിക്കുന്ന ഒരു വീഡിയോ ഭാരതീയ ജനതാ പാര്‍ട്ടി (ബിജെപി) സോഷ്യല്‍ മീഡിയയില്‍ പങ്കിട്ടു. ഈ റോഡുകള്‍ ഡല്‍ഹിയിലാണെന്ന് അവകാശപ്പെട്ട് ബിജെപി ആം ആദ്മി പാര്‍ട്ടിയെ സോഷ്യല്‍ മീഡിയയില്‍ ഉള്‍പ്പടെ വിമര്‍ശിച്ചിരുന്നു.
गड्ढों में सड़क या सड़क में गड्ढे नहीं चलता पता,
चुनने में हुई भूल से आई ये AAP-दा!अब नहीं सहेंगे, बदल के रहेंगे। #भ्रष्टाचारी_AAP pic.twitter.com/DJuKBnwuQ3
— BJP (@BJP4India) January 6, 2025
‘റോഡില്‍ കുഴികളുണ്ടോ അതോ റോഡ് കുഴികളിലാണോ എന്ന് പറയാന്‍ പ്രയാസമാണ്’ എന്ന അടിക്കുറിപ്പോടെ ആം ആദ്മി പാര്‍ട്ടിയെ ലക്ഷ്യമാക്കിയുള്ള അടിക്കുറിപ്പോടെയാണ് ബിജെപി തങ്ങളുടെ ഔദ്യോഗിക ഫേസ്ബുക്ക് , എക്സ് ഹാന്‍ഡിലുകളില്‍ വീഡിയോ പോസ്റ്റ് ചെയ്തത് .
गड्ढों में सड़क या सड़क में गड्ढे नहीं चलता पता,
चुनने में हुई भूल से आई ये AAP-दा!अब नहीं सहेंगे, बदल के रहेंगे। #भ्रष्टाचारी_AAP pic.twitter.com/nZWUFcW7yN
— BJYM (@BJYM) January 7, 2025
സമാനമായി, അവകാശവാദം ആവര്‍ത്തിച്ചുകൊണ്ട് ബിജെപി ഡല്‍ഹി അതിന്റെ സോഷ്യല്‍ മീഡിയ അക്കൗണ്ടുകളില്‍ നിന്ന് ഇതേ വീഡിയോ പങ്കിട്ടു.
The reality of world class “infrastructure” developed by Kejriwal in Delhi.. Watch and share with Delhites, especially AAP supporters… pic.twitter.com/8SvfY7QAMy
— Mr Sinha (@MrSinha_) January 9, 2025
സോഷ്യല്‍ മീഡിയയില്‍ പതിവായി തെറ്റായ വിവരങ്ങളും വിദ്വേഷവും വര്‍ദ്ധിപ്പിക്കുന്ന ബിജെപി അനുഭാവിയായ റൗഷന്‍ സിന്‍ഹയും എഎപി ഭരണത്തിന് കീഴിലുള്ള ഡല്‍ഹിയുടെ അടിസ്ഥാന സൗകര്യങ്ങളെ പരിഹസിച്ച് വീഡിയോ ട്വീറ്റ് ചെയ്തു. ഡല്‍ഹിയില്‍ കെജ്രിവാള്‍ വികസിപ്പിച്ചെടുത്ത ലോകോത്തര അടിസ്ഥാന സൗകര്യങ്ങളുടെ യാഥാര്‍ത്ഥ്യം ഇതാണ്,” അദ്ദേഹം എഴുതി.
എന്താണ് സത്യാവസ്ഥ
ബിജെപി അണികള്‍ വ്യാപകമായി പങ്കിട്ട വീഡിയോയുടെ സ്‌ക്രീന്‍ ഷോട്ട് ഉപയോഗിച്ച് ഗൂഗിള്‍ ഇമേജില്‍ പരിശോധിച്ചു. തുടര്‍ന്ന് ഒരു ചില പ്രധാന വിശദാംശങ്ങള്‍ ശ്രദ്ധിക്കാന്‍ സാധിച്ചു. ‘ഠാക്കൂര്‍ ഉദയ്പാല്‍ ധരംശാല’ എന്നാണ് ഫൂട്ടേജിലെ ഒരു സൈന്‍ബോര്‍ഡ്. ഗൂഗിള്‍ മാപ്സ് ഉപയോഗിച്ച് നടത്തിയ അന്വേഷണത്തില്‍ ബിജെപി ഭരിക്കുന്ന ഹരിയാനയിലെ ഫരീദാബാദിലെ താക്കൂര്‍ ഉദയ്പാല്‍ ധര്‍മ്മശാലയുടെ സ്ഥാനം കണ്ടെത്തി.
ലൊക്കേഷന്റെ ഗൂഗിള്‍ സ്ട്രീറ്റ് വ്യൂ ചിത്രങ്ങളുമായി വീഡിയോ താരതമ്യം ചെയ്ത്, ഫരീദാബാദിലാണ് വീഡിയോ ചിത്രീകരിച്ചതെന്ന് ഞങ്ങള്‍ സ്ഥിരീകരിച്ചു. വീഡിയോയുടെ ആദ്യ ഫ്രെയിമില്‍ കാണുന്ന ചെളിയും പൊട്ടിപ്പൊളിഞ്ഞ റോഡും ഫരീദാബാദിലെ താക്കൂര്‍ ഉദയ്പാല്‍ ധര്‍മ്മശാലയ്ക്ക് സമീപമുള്ള ഒരു തെരുവാണെന്ന് മനസിലായി. ഫൂട്ടേജുകളുടെയും ഗൂഗിള്‍ സ്ട്രീറ്റ് വ്യൂ ചിത്രങ്ങളുടെയും താരതമ്യം, പൊരുത്തപ്പെടുന്ന വിശദാംശങ്ങള്‍ വെളിപ്പെടുത്തി. വീഡിയോയില്‍ തെരുവിന്റെ അറ്റത്ത് കാണുന്ന വീടും (ചുവപ്പ് നിറത്തില്‍ അടയാളപ്പെടുത്തിയിരിക്കുന്നു) ഒരു ഓട്ടോറിക്ഷ തിരിയുന്ന തെരുവും (മഞ്ഞ അമ്പടയാളം കൊണ്ട് അടയാളപ്പെടുത്തിയത്) ഫരീദാബാദിലെ വീടുകളാണ്.
ഫരീദാബാദിലെ താക്കൂര്‍ ഉദയ്പാല്‍ ധര്‍മ്മശാലയില്‍ നിന്ന് ഏകദേശം 500 മീറ്റര്‍ അകലെയുള്ള വെള്ളക്കെട്ട് കാണിക്കുന്ന വീഡിയോയില്‍ നിന്നുള്ള മറ്റൊരു ഫ്രെയിം.
ഗൂഗിള്‍ സ്ട്രീറ്റ് വ്യൂ ചിത്രങ്ങള്‍ 2022 മുതലുള്ളവയാണ്, അതേസമയം വീഡിയോ ചിത്രീകരിച്ചത് 2025ലാണ്. റോഡിന്റെ അവസ്ഥയിലും കെട്ടിട ഘടനയിലും ഉള്ള ചെറിയ വ്യത്യാസങ്ങള്‍ ഈ സമയ ഇടവേളയ്ക്ക് കാരണമാകാം. ചുരുക്കത്തില്‍, ഡല്‍ഹിയിലെ ആം ആദ്മി പാര്‍ട്ടിയുടെ ഭരണത്തെ വിമര്‍ശിച്ച് ബിജെപി അണികള്‍ പങ്കുവെച്ച വൈറലായ വീഡിയോ യഥാര്‍ത്ഥത്തില്‍ ചിത്രീകരിച്ചത് ബിജെപി തന്നെ ഭരിക്കുന്ന ഹരിയാനയിലെ ഫരീദാബാദിലാണ്. മോശമായി പരിപാലിക്കപ്പെടുന്ന റോഡുകള്‍ ചിത്രീകരിക്കുന്ന വീഡിയോ, അവകാശപ്പെടുന്നതുപോലെ ഡല്‍ഹിയുടെ അടിസ്ഥാന സൗകര്യങ്ങളെ ചിത്രീകരിക്കുന്നില്ല, പകരം ഫരീദാബാദിലെ മോശം റോഡ് അവസ്ഥകള്‍ എടുത്തുകാണിക്കുന്നു.
